LEXO PA REKLAMA!

SHKARKO APP

Gishtat e Belos dhe b*let e hekurta të Erionit

26 Prill 2023, 13:03, Opinione Gjergji Koja
Gishtat e Belos dhe b*let e hekurta të Erionit
Foto ilustruese

Një ditë më parë, u publikua një poster ku shfaqej kandidati i opozitës, Belind Këlliçi, me gishtat e mesit lart kundër korrupsionit. Posteri u pasua nga reagime të shumta kundër gjestit, që interpretohet si një fyerje ndaj qytetit.

Belindi apo stafi i tij mund të kishin gjetur një tjetër simbolikë kundër korrupsionit, për shembull një palë pranga, por sërish do të kishte reagime kundra. Thjesht kritikët sot nuk do të merreshin me gishtat, por me prangat.

Pra kritikët e gishtave lart sërisht do të gjenin një arsye, pasi ata nuk e kanë me gjestin, por me kandidatin, në rastin konkret Belind Këlliçin.

Moralistët e sotëm janë të njëjtët që më parë kanë marrë në mbrojtje Edi Ramën apo Bernd Borchardt, kur secili prej tyre i ka treguar publikut gishtin. Gjesti është i njëjtë me atë të Këlliçit, por në rastin e Ramës apo ish-ambasadorit të OSBE-së, është gjetur gjithmonë një justifikim. Veprimi trajtohet si një reagim momental ndaj situatave të krijuara.

Vite më parë janë publikuar foto të Erion Veliajt dhe miqve të tij, që sot janë në kupolën e Bashkisë së Tiranës në festat e MJAFT, të veshur si tranvestitë.

Fotot i gjeni edhe sot me një kërkim të thjeshtë në google. Asnjë nga moralistët e sotëm nuk u tronditën nga këto fotografi, madje i konsideronin si “trend”.

Të njëjtët moralistë nuk janë tronditur edhe kur Erion Veliaj quante meshkujt shqiptarë zdromsa, shprehje që iu deshën disa emisione televizive që t´a sqaronte, madje të shkonte deri atje sa të pranonte se edhe vetë ishte një zdroms, pasi nuk bënte punë në shtëpi.

Nuk janë prekur as kur Erion Veliaj na tregonte se kishte b*le hekuri dhe meqë e kishte këtë privilegj do të fitonte betejat me Armando Dukën e FSHF. Përkundrazi, këta që sot janë tronditur kaq shumë nga gishtat e Belos, ndjeheshin të lumtur që Erjoni i tregonte popullit sa i kumbonin “asetet” nëse dikush do të përballej me të.

Nëse i ktheheni atij fjalimi që mbante Veliaj, në kohën e përplasjes me FSHF, do të dëgjoni të tjera çudira nga djali i dikurshëm “trendy”, por që çuditërisht nuk trondisin moralistët e gishtave.

Belindi mund ta kishte shmangur debatin e 24 orëve të fundit mbi gishtat, por regjia e reagimeve nuk do të ndalej edhe sikur kandidati i “Bashkë Fitojmë” thjesht të kishte pozuar, njëlloj si ato posterat klasikë, ku krahas portretit të tij, të ishte numri rendor në fletën e votimit dhe numri i koalicionit që e mbështet.

Nuk do të ishin marrë me gishtat, do të merreshin me ngjyrat. Nuk të do ishin marrë me gishtat, do të merreshin me modelin e flokëve. Nuk do të ishin marrë me gishtat, do të merreshin me pigmentin e ngjyrës së lëkurës. Thjesht gishtat lart janë sebepi.

Falenderojeni Belindin, dje ju ofroi falas ushqimin e ditës./ CNA.al

10:45 Opinione Mitro Çela

Ujku me dy këmbë?!

Duke qënë me nge, nisa të “kullos” nëpër internet. Ha...

16:41 Opinione Lutfi Dervishi

Agjërim… digjital

Po sikur të provonim agjërimin digjital? Të shkëputem...

Lajmet e fundit nga