E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Logjikisht mbi diplomimin e Belind Këlliçit

23 Prill 2023, 13:16, Opinione Elona Caslli

Belind Këlliçi

Pata mundësinë të lexoja në rrjet një artikull që ngrinte pretendimin se Belind Këlliçi nuk kishte diplomën e shkollës së mesme dhe kish mashtruar një universitet në Shtetet e Bashkuara të Amerikës.

Ka disa argumente të shtrira mbi rrafshin e logjikës që bien ndesh me këtë argument.

Për t'i përligjur argumentet në fjalë, do të marr si pikë reference veçse punën time të përditshme, që përfshin dërgimin e studentëve shqiptarë në universitete të ndryshme evropiane për të ndjekur studimet për një semestër akademik.

Çdo universitet në Evropë para se të pranojë një student shqiptar kërkon një bashkësi dokumentesh të cilat përmblidhen në; Vërtetim i studentit; listë notash; certifikatë e gjuhës së huaj. Dokumentet në fjalë mbajnë vulën e institucionit nga i cili lëshohen dhe duhet të jenë përkthyera dhe të noterizuara në gjuhën angleze.

Pasi universiteti i huaj të ketë shqyrtuar dokumentacionin e studentit shqiptar, dërgon letrën e pranimit të këtij studenti. Me këtë letër pranimi studenti paraqitet pranë ambasadës përkatëse në Shqipëri dhe aplikon për një vizë studenti.

Pra, për të aplikuar për një vizë studentore duhet që një nxënës apo një student të paraqesë në një ambasadë letrën e pranimit nga një universitet. Kjo letër firmoset nga përfaqësuesi ligjor i universitetit të huaj dhe shoqërohet me vulën përkatëse të universitetit.

Kur zbresìm në rastin e Belind Këlliçit dhe në pretendimin se ky i fundit ka mashtruar një universitet në Amerikë, vihemi përballë pyetjeve;

Çfarë dokumenti ka paraqitur Këlliçi për t'u pranuar në një universitet në Amerikë?!

Hamendësoj që nuk është regjistruar me gojë. Pra, nuk ka mjaftuar pohimi se unë jam Belind Këlliçi dhe dua të regjistrohem.

Me logjikë Këlliçi duhet të ketë paraqitur një vërtetim ku pohohen 4 vitet e studimit te "Harry Fultz" të shoqëruar me listën e notave dhe dokumentacionin shtesë e kërkuar nga universiti në fjalë. Në bazë të këtij dokumentacioni universiteti duhet të ketë lëshuar letrën e pranimit me të cilën Këlliçi duhet të jetë paraqitur në ambasadën amerikane në Tiranë për të aplikuar për vizën studentore.

Përvoja e gjimnazistëve që vitin e fundit të studimeve të shkollës së mesme e kryejnë jashtë vendit është gjerësisht e hapur në Shqipëri. Kjo përvojë shtrihet gjerësisht në vende si Gjermania apo Amerika. Ky proces kryhet përmes marrëveshjeve të bashkëpunimit që institucionet arsimore në Shqipëri lidhin me institucione arsimore jashtë vendit.

Post Scriptum- Logjikisht pretendimi se Këlliçi ka mashtruar një universitet në Amerikë, mund të qëndrojë vetëm nëse regjistrimi pranë këtij universiteti bëhet me gojë dhe jo me dokumentacionin përkatës.