web counter
LEXO PA REKLAMA!

SHKARKO APP

App Store
Google Play

E fundit!

x

Ekuacion me shumë të panjohura!

25 Shtator 2024, 09:01, Opinione Ardi Stefa
Ekuacion me shumë të panjohura!
Ardi Stefa

LSI kërkoi dhe do të marrë 10 deputetë në vendet e sigurta në listat e deputetëve të PD-së.

Si pasojë 10 ambiciozë poshtëballkonistë, që humbasin vendin do të mërziten dhe do të largohen...

Nja 3 ose 4 i kërkon edhe Dulja me Belerin.

Largohen edhe 3 ose 4 poshtëballkonistë të tjerë!

Kërkon dhe Duka nja 2 deputetë të sigurtë.

Ikën edhe 2 poshtëballkonistë të tjerë!

2 deputetë i duan edhe republikanët, 2 deputetë i do edhe Balli...

Ikën edhe 4 poshtëballkonistë të tjerë...

Po është edhe komuniteti çam, i cili duhet të përfaqësohet, edhe pse kanë partinë e tyre...

Ikën edhe disa poshtëballkonistë të tjerë...

Po duhet të përfaqësohet edhe komuniteti bektashi...

Ikën edhe disa poshtëballkonistë të tjerë...

Komuniteti LGBTQI+, shyqyr Zotit, është i përfaqësuar...

Ore, sa demokratë të vërtetë do të jenë në listat e PD, përveç këtyre dhe ca pak poshtëballkonistëve?

Sepse ky ekuacion e nxjerr kokoshin më pak se një thelë, sidomos kur rrezikon të kesh rezultatin më të dobët pas 1997-ës...

Ku shkuan Primaret, meritokracia, vlera e votës, demokracia e brendshme dhe dëgjimit i zërit të anëtarëve të PD?

Sepse të shiten përsëri demokratët për LSI-në, është si puna e kurimit të dhëmballës së krimbur me raki Skrapari.

Shpëtimi vjen vetëm nga shkulja, jo rakia, qoftë edhe Skrapari.

Me raki vetëm humbet arsyen e bëhesh qesharak, por nuk ke as shpëtim dhe as ndryshim.

Por këta nuk kanë cipë. Janë bashkë kundër demokratëve, shqiptarëve, Shqipërisë, drejtësisë e demokracisë!

Ekuacioni ka shumë të panjohura,  por vetëm një zgjidhje!

p.s 1: E imagjinoni luftën e brendshme nëpër qarqe?...

p.s 2: Çfarë u bë me atë qarkoren e Nokës për rikthimin e drejtuesve të strukturave të Bashës në postet analoge drejtuese të PD-së së Berishës? U kthye ndonjëri, apo askush?

p.s 3: Konfuci thotë: "Po të pështynë pas shpine do të thotë se je përpara tyre!"





15:03 Opinione Arian Galdini

Shqipnim!

Një nga fjalët që urrej më së shumti është “pjesëmarrje”. ...

18:43 Opinione Lutfi Dervishi

Vatikani i Tiranës

Vendit ku katoliket, ortodoksët dhe myslimanët ulen ke...

12:28 Opinione Ylli Manjani

Mbi Bunga-Bungën RTSH

Leka Bungon, i cili ka gjetur kohën të më përgjigjet mua, ...

09:51 Opinione Ardi Stefa

Komandantë pa ushtri

Sot, në opozitën shqiptare mbizotëron një situatë absurde....

Lajmet e fundit nga