LEXO PA REKLAMA!

SHKARKO APP

E fundit!

x

Të dashuruara prej 10 vitesh/ Eda dhe Alba rrëfejnë historinë e pazokontë: Kemi dy vajza binjake

22 Shtator 2022, 15:46, Lifestyle CNA
Të dashuruara prej 10 vitesh/ Eda dhe Alba rrëfejnë
Alba dhe Eda

Alba dhe Eda prej 10 vitesh janë të dashuruara më njëra tjetrën dhe së fundmi janë bërë nëna të dy vajzave binjake.

Në një intervistë në “Goca dhe Gra”, ato treguan momentin dhe hapat që ndoqën për të sjellë në jetë fëmijët. Gjithë procedurën, ato e kanë bërë në Shqipëri, ndërsa theksojnë se janë përballur me sfida dhe diskriminimin e mjekëve në klinikat private në vendin tonë.

“Kishim 10 vite marrëdhënie, 7 vite bashkëjetesë. Kemi kaluar çdo gjë së bashku. Fëmijët i kemi dashur që në fillim, por nuk ishin pjekur kushtet ekonomike, familjare.

Ishte e thjeshtë për ne të vendosnim kush do ta mbante fëmijë. Kemi dashur të kemi fëmijë të dyja, por për mua nuk është problem. Unë kam probleme fizike, kështu që vendosëm që fëmijët do i mbante Eda. Çdo gjë u bë në Shqipëri. Në një klinikë u diskriminuam, u prezantuam sikur Eda ishte nënë e vetme dhe doktori më pyeti kush je ti, i thash jam shoqja e ngushtë. Tha nuk mund ta bëj sepse nuk ma lejon ligji. Në këtë mënyrë i hap rrugë familjeve LGBT dhe nuk mund ta bëj këtë, më tha doktori.

Të dashuruara prej 10 vitesh/ Eda dhe Alba rrëfejnë

Te klinika e tretë që kemi shkuar, çdo gjë shkoi mbarë. Ka qenë procedurë in vitro”, shpjegon Alba.

Por, tashmë Alba dhe Eda kanë një beteje ligjore, ligji shqiptar nuk njeh bashkë mëmësinë.

“Jemi në betejë ligjore me gjendjen civile, që të kemi emrin e bashkëmëmësisë. Në çerdhe është bërë një regjistrim i përkohshëm i vajzave, që të marrim shërbimet bazë, por emri i tyre nuk figuron në e-Albania. Ne jemi në kontakt me avokatë dhe noterë”, rrëfen ajo./ CNA.al

Lajmet e fundit nga