Shokon “Pantera e Zezë”/ “Isha e varuar nga droga, doja të vrisja veten”

21 Shtator 2023, 13:28, Lifestyle CNA

Shokon “Pantera e Zezë”/ “Isha e varuar nga droga, doja

Naomi Campbell, modele

Modelja me famë botëore, Naomi Campbell, ka bërë një rrëfim rreth jetës së saj ku ka zbuluar se varësia ndaj drogës gati sa nuk i mori jetën në kulmin e karrierës së saj në vitet ’90.

Ylli i pasarelave ka folur pa dorashka dhe ka hapur zemrën duke treguar se ka abuzuar me substancat narkotike, duke rrezikuar edhe jetën e saj.

Në serialin e ri dokumentar të “AppleTV+”, “The Super Models”, modelja rrëfen se u bë përdoruese e kokainës për të përballuar traumën e fëmijërisë dhe vdekjen e stilistit dhe mikut të ngushtë italian Gianni Versace.

“Mendoj se kur fillova të përdorja kokainën, një nga gjërat që u përpoqa të mbuloja ishte pikëllimi. Varësia është një budallallëk. Ti mendon se do shërosh plagët. Por, kjo nuk ndodh. Mund të shkaktojë një frikë dhe ankth të madh. Kështu që u zemërova shumë.”

Ikona e modës tha se bota e saj u trondit kur Versace u vra jashtë shtëpisë së tij në Miami Beach në vitin 1997.

“Gianni Versace ishte shumë i ndjeshëm. Ai më shtynte të ecja para dhe të shkoja më tej kur nuk mendoja se mundesha. Kështu që kur ai vdiq, u pikëllova shumë.”

Ajo tregoi se luftoi për 5 vite me varësinë e saj ndaj drogës dhe këtë e reflektoi me rrëzimin e saj në pasarela, moment të cilin supermodelja e quan si një thirrje për zgjim dhe për faktin se duhej të rehabilitohej për problemin e saj.

“Kur përpiqeni të mbuloni diçka, ndjenjat tuaja – për shembull braktisjen. U përpoqa ta mbuloja me diçka. Ju nuk mund ta mbuloni atë. Po vrisja veten. Ishte shumë e dhimbshme. Zgjodha të shkoj në rehabilitim. Ishte një nga gjërat më të mira dhe të vetme që mund të kisha bërë për veten time në atë kohë. Më janë dashur shumë vite për të punuar dhe ta përballuar. Dhe ende shfaqet ndonjëherë. Por unë tani kam mjetet se si ta trajtoj atë.”

Naomi Campbell ka folur gjithashtu për traumën që kaloi kur dy prindërit e saj u ndanë.

“Ka shumë probleme që kam që nga fëmijëria. Për shembull, nuk njoh babain, nuk kam parë nënën. Kjo sjell shumë – manifeston shumë ndjenja. Një nga ato ndjenja, absolutisht është zemërimi. Është një manifestim i një çështjeje më të thellë, mendoj unë, zemërimit. Dhe kjo për mua, mendoj se bazohet në pasigurinë, vetëvlerësimin dhe vetminë…”, tha Campbell./ CNA