web counter
LEXO PA REKLAMA!

SHKARKO APP

App Store
Google Play

E fundit!

x

Ndërron jetë Renato Balestra, ikona e modës italiane

27 Nëntor 2022, 13:07, Lifestyle CNA

Ndërron jetë Renato Balestra, ikona e modës italiane

Stilisti italian Renato Balestra, një nga emrat e njohur të modës, ka ndërruar jetë mbrëmjen e djeshme. Balestra mbylli sytë në Romë në moshën 98-vjeçare.

Agjencia italiane e lajmeve "ANSA.it" shkruan se lajmin e hidhur e kanë bërë me dije dy vajzat e stilistit, Fabiana dhe Federica së bashku me mbesën Sofia.

Mbesa e tij pritet të marrë dhe drejtimin e markës “Balestra Maison”. Renato Balestra do të përcillët për në banesën e fundit, të martën më 29 nëntor në kryeqytet në kishën e Santa Maria del Popolo.

Balestra hapi atelienë e tij të parë në 1959 në Romë. Balestra është cilësuar si një stolist që ka mbajtur gjallë modën  në Romë, madje edhe në dekadat në të cilat moda dukej se ishte zhdukur nga kryeqyteti italian.

I lindur në një familje arkitektësh dhe inxhinierësh, ai u dallua për shpirtin e tij artistik dhe u përcaktua si “piktori i modës”.

Ato çfarë e benin Balesten të njohur ishin qëndisjet e tij artistike dhe përzierja e pëlhurave dhe transparencave të ndryshme, emri i tij lidhej me një ngjyrë të veçantë – blu Balestra.

Pasioni i tij i fortë për kinemanë e shtyu atë të dizajnonte kostume për Ava Gardner në “The Barefoot Contessa” dhe “The Sun also Rises;”  për Gina Lollobrigida në “E bukur por e rrezikshme”;  për Sophia Loren në “Lucky to Be a Woman” dhe për Candice Bergen në “Aventurers”, ndër të tjera.  Ai u bë i preferuari i yjeve të filmit, duke përfshirë Elizabeth Taylor, Claudia Cardinale dhe Carroll Baker./CNA.al





Lajmet e fundit nga