web counter
LEXO PA REKLAMA!

SHKARKO APP

App Store
Google Play

E fundit!

x

Ilir Ikonomi: Të pathënat e Fan Nolit, si përgjohej nga FBI e akuzohej për korrupsion

16 Nëntor 2023, 11:29, Kulturë CNA
Ilir Ikonomi: Të pathënat e Fan Nolit, si përgjohej nga FBI e
Ilir Ikonomi, gazetar dhe shkrimtar

Të tjera detaje të rëndësishme dhe të panjohura nga jeta dhe veprimtaria e Fan Nolit i ka sjellë këtë herë përmes një libri kushtuar biografisë së Nolit, gazetari dhe shrimtari i njohur Ilir Ikonomi.

Në librin e titulluar “Apostulli”, Ikonomi thotë se janë përshirë detaje nga jeta e Nolit, të cilat nuk janë thënë më herët në Shqipëri dhe që është e vështirë të pranohen këtu.

“Kjo është një pjesë që nuk njihet shumë, fillimet e tij njihen më pak, dhe vendosa t’u hyj më në detaje, sepse ka gjëra të pazbuluara.

Janë detaje, si bashkëpunimi i Nolit me Austrinë, përgjimet që i bënte FBI Nolit se akuzohej si agjent proaustriak, etj., etj.. Ka letra anonime nga shqiptarë që i shkruajnë kishës ruse dhe i thonë se Noli është ateist. Është një komplot shumë interesant.

Në fund Noli shkruan një letër me fjalë të ashpra, që nuk thuhen këtu, kryepeshkopit rus në Amerikë, dhe disa nga priftërinjtë shqiptarë nuk ishin dakord që Noli të shkëputej nga kisha ruse në atë kohë.

Noli akuzohet në një rast korrupsioni, dhe jam përpjekur ta shqyrtoj me hollësi, dhe kam gjetur informacione. Unë kam dhënë fakte që më parë nuk janë dhënë”, tha në një emision televiziv shkrimtari Ikonomi.

Libri “Apostulli”, është i pari nga tri vëllimet kushtuar biografisë së Fan Nolit që Ikonomi do të nxjerrë në treg./CNA





10:30 Kulturë Besnik Bakiu

Shtetari dhe shkrimtari

Para disa kohësh isha i ftuar në promovimin e librit të Ah...

Lajmet e fundit nga