E fundit!

12:57 Aktualitet

“F*ck you”/ PDE "shuplakë" Ramës: Sheshi duhet dëgjuar, jo fyer

Partia Demokratike Europiane ka reaguar pas intervistës së...

“Arratisje nga Lindja drejt Perëndimit-Në kërkim të parajsës”/ Xhovan Shyti sjell librin e radhës

16 Nëntor 2023, 09:28, Kulturë CNA

“Arratisje nga Lindja drejt Perëndimit-Në kërkim të

Xhovan Shyti

Në Panairin e Librit, e raftet e e librarive të Tiranës ka zënë vend libri i gjashtë i gazetarit Xhovan Shyti, “Arratisje nga Lindja drejt Perëndimit-Në kërkim të parajsës”. Ky libër trajton temën "pa cak kohor të refugjatizmit, që po shpopullon territoret e vendeve te varfra", sikurse citon autori.

Një libër i shqueshëm dhe që bën diferencë, midis lumit të botimeve, për profesionalizmin në mënyrën e kompozimit, për stilin, por dhe gjuhën e mrekullueshme shqipe, me të cilin e përcjell subjektin.

I përbërë nga dy pjesë të largëta në aspektin kohor, por që i përbashkon tematika dhe ideja e arratisjes nga Lindja drejt Perëndimit në kërkim të parajsës, libri vjen si një risi në botën e krijimtarisë letrare shqiptare, duke e pasuruar denjësisht atë.

Aq më tepër vjen si një vlerë e dëshirueshme dhe e mirëpritur po të kihet parasysh se arratisja e popullsive lindore është trendi jo vetëm i shqiptarëve, të cilët, edhe sot pas tri dekadave, vijojnë ta kenë alternativë braktisjen e dheut amë, por është dukuri edhe e popujve të tjerë të Lindjes.

Jo vetëm të Lindjes ish-komuniste, murin e së cilës Perëndimi e shembi tridhjetë vite më parë, duke ia lënë mbeturinat papastruar, por dhe të lindjeve të tjera. Atyre aziatike, afrikane, orientale, lindjeve të vëna përfund prej satrapëve të pushteteve.

Kohezioni i refugjatizmit, si një alternativë shpëtimi nga skëterra lindore në parajsën perëndimore, e bën edhe më të ndjeshme sipërmarrjen e autorit Shyti, i cili, në prononcim konfident, pohon se nuk e përzgjodhi rastësisht kohën e tashme të publikimit të librit.

“Vendosa ta publikoj tani sepse fenomeni refugjatizëm, kundër parashikimit tim të ardhjes drejt reduktimit, mori përmasë alarmante, sikurse vijon të ketë të njëjtin alert edhe tash që flasim, madje duke shënuar numër rekord arratisjesh, tragjedish e jetësh njerëzore të humbura në thellësitë e detrave", u shpreh Xhovan Shyti.

Pjesa e parë e librit (apo “Libri i parë”, siç e emërton autori), trajton ngjarje të përjetuara, që vijnë të servirura në formën e ditarit të refugjatit, pas të cilit fshihet vetë autori që ka përjetuar gjithë sa sjell.

Ndërkohë në të dytën pjesë të librit tragjizmi e shton përmasën e tij duke e ngritur dhimbjen njerëzore në kreshendo.

Histori, ngjarje, statistika, analiza, komente, personazhe që rrëfejnë dhimbjen e përjetuar, kronika të zeza. A shpresohet të ketë një fund të lumtur fenomeni, që me ëndrrën e prekjes së “parajsës” perëndimore, po zbraz territoret e popullsive lindore, duke u kthyer në një virus gjithëbotëror?/CNA