web counter
LEXO PA REKLAMA!

SHKARKO APP

App Store
Google Play

E Marta e Madhe e Pashkës/ CNA TV sjell dokumentarë

30 Prill 2024, 13:49, Kulturë CNA

E Marta e Madhe e Pashkës/ CNA TV sjell dokumentarë

Besimtarët orthodoksë po festojnë Javën e Madhe të Pashkës dhe ditën e sotme është e Marta e Madhe.

Me nisjen e javës së Madhe të Pashkës, CNA ka nisur të sjellë dokumentarë informativë, dokumentarë të kishës dhe materiale për shenjtorët që tregojnë se çfarë kuptimi mbart secila ditë.

Edhe ditën e sotme, CNA ka sjellë dokumentarë për të Martën e Madhe. Sot përkujtohet paravolia e dhjetë virgjëreshave, të cilën Krishti e tregoi gjatë predikimeve të Tij.

Në këtë paravoli, festa martesore është Mbretëria e Qiejve, ku shpresimtarët do të bashkohen me Zotin në përjetësi. Pritja e dhëndrit është krejt jeta tokësore e njeriut, duke përgatitur veten për takimin me Zotin. Mbyllja e dyerve të dhomës së dasmës nuk lejon ata që vënë me vonesë, pra të atyre që vdesin pa pendesë.

Paravolia e dhjetë virgjëreshave ka në thelb të saj të na tregojë se ai person, i cili ka një virtyt dhe dhuratë të madhe, por që nuk e vë në shërbim të virtyteve të tjera edhe sidomos të lëmoshës, nuk mund të hyjë bashkë me Krishtin në prehjen e përjetshme, dhe kthehet mbrapa i turpëruar.

E Marta e Madhe e Pashkës/ CNA TV sjell dokumentarë

Edhe asgjë nuk është aq e dhimbshme dhe e turpshme se sa një virgjëreshë që lufton nga dashuria pas parasë.

Mëngjesin e kësaj të marte të madhe është mbajtur mesha e pashenjtëruar, ndërsa pasdite është Shërbesa e III-të e dhëndrit.

CNA po vijon transmetimet e dokumentarëve dhe materialeve dhe të njejtët gjë do të bëjë edhe në ditët në vijim. Gjithashtu, ditën e diel CNA TV do të transmetojë filmin e Mel Gibson “The Passion of the Christ- Pasioni i Krishtit”.

Ndiqni në CNA TV dokumentarët informativë, dokumentarët e kishës, materialet për shenjtorët dhe festoni me ne Javën e Madhe të Pashkës./ CNA





Lajmet e fundit nga