95 vjet nga lindja e aktorit të madh/ Stavri Shkurti, portret i një artisti të veçantë

5 Gusht 2022, 10:35, Kulturë CNA

95 vjet nga lindja e aktorit të madh/ Stavri Shkurti, portret i

5 gushti i vitit 1927 do të sillte në jetë një njeri që shumë shpejt do të kthehej në personalitetet e artit shqiptar, Stavri Shkurtin.

Sot bëhen 95 vjet nga lindja e aktorit të madh, Stavri Shkurti. Aktor shprehës, me një zë gurgullues, Stavri Shkurti ia doli ta krijojë yllin e tij artistik ndër breza.

95 vjet nga lindja e aktorit të madh/ Stavri Shkurti, portret i

Fillimet e tij artistike janë që në moshë të re që në vitin 1950, kur u krijua teatri profesionist “Andon Zako Çajupi”, duke qenë një ndër aktorët e parë të këtij teatri. Studimet e larta i mbaroi në Pragë (Çeki) për inxhinieri hidrologjike.

95 vjet nga lindja e aktorit të madh/ Stavri Shkurti, portret i

Por pavarësisht studimeve ai do të kthehej te pasioni i tij i hershëm duke u rikthyer në Teatrin “Andon Zako Çajupi”.

Portreti i një aktori të madh

Në skenën e këtij teatri, i drejtuar prej regjisorëve të njohur si Dhimitër Orgocka (Artist i Popullit), Fadil Kraja, Piro Mani (Artist i Popullit), Sokrat Mio (Artist i Popullit), Vangjo Grabocka (Artist i Merituar) etj., do të interpretonte për më se 30 vjet role dhe personazhe që do të ngeleshin të paharrueshëm jo vetëm për publikun korçar, por edhe për atë mbarëshqiptar.

95 vjet nga lindja e aktorit të madh/ Stavri Shkurti, portret i

Këtu do të veçojmë rolin e Karandeshit në dramën "Vajza pa prikë", ose interpretimet e tij në disa nga kryeveprat e dramaturgjisë botërore si "Pamje nga ura" e Artur Milerit dhe "Nata e dymbëdhjetë" e Shekspirit, ndërsa nga dramaturgjia shqiptare veçojmë interpretimin e tij në dramën "Maro Mokra".

95 vjet nga lindja e aktorit të madh/ Stavri Shkurti, portret i

Në kinematografi ka interpretuar 40 role. Roli i tij i parë do të përkojë me të parin film tërësisht shqiptar, filmin "Tana" në vitin 1958 ku ai do të interpretojë një rol episodik.

95 vjet nga lindja e aktorit të madh/ Stavri Shkurti, portret i

Më tej do të vazhdonin role të tjera që do ta bënin të njohur për gjithë publikun artdashës si roli i Besimit në filmin "Ilegalët" në vitin 1976, roli i Salës, sekretarit të Partisë në filmin "Zonja nga qyteti" në vitin 1976, për të cilin mori edhe komplimentet nga Enver Hoxha, roli i Zalo Kapllanit në filmin televiziv "Agimet e Stinës së Madhe" në vitin 1981, roli i Manol Gjinajt, përkthyesit në filmin "Asgjë nuk harrohet" në vitin 1985 etj. Roli i tij i fundit do të jetë roli i Fajdexhiut në filmin "Vitet e pritjes" në vitin 1990.

95 vjet nga lindja e aktorit të madh/ Stavri Shkurti, portret i

Në vitin 1992 del në pension dhe më pas largohet nga Atdheu në Selanik të Greqisë ku dhe do të ndahet nga jeta pas një sëmundje të rëndë disa vjeçare në 6 gusht të vitit 1998 duke u përcjellë me shumë nderim e dashuri në banesën e fundit jo vetëm nga gjithë populli i Korçës por dhe nga shumë miq,kolegë e dashamirë.

95 vjet nga lindja e aktorit të madh/ Stavri Shkurti, portret i

Për meritat e tij artistike Stavri Shkurti është nderuar me titullin e lartë "Artist i Popullit", si dhe me titullin "Qytetar Nderi" i Korçës, pas vdekjes.

95 vjet nga lindja e aktorit të madh/ Stavri Shkurti, portret i