Arti në zi/ Ndahet nga jeta dirigjenti i njohur

8 Korrik 2022, 21:00, Kulturë CNA
Arti në zi/ Ndahet nga jeta dirigjenti i njohur
Foto ilustruese

Dirigjenti i njohur, Sirri Rroji, është ndarë nga jeta ditën e sotme. Lajmin e ka bërë të ditur djali i tij, Grid Rroji, përmes një postimi në rrjetin social "Facebook".

Mes rreshtave, teksa përshkruan jetën artistike të babait të tij, Grid Rroji thekson se funerali do të bëhet në Tiranë, aty ku dirigjenti e ka lënë me amanet.

Postimi i plotë:

Të dashur miq,

Me hidhërim të thellë ju njoftojmë se im atë Dirigjent Sirri Rroji u nda nga jeta sot në mëngjes.

Babi ishte njeri i jashtëzakonshëm, energjik si pakkush, organizator i lindur, mik besnik dhe i ndershëm.

Babi pati një karrierë profesionale të plotë: drejtues i ansablit të Ushtrisë dhe i Estradës së Ushtarit, themelues dhe drejtor artistik i Festivalit të Ushtarit, themelues i Shkollës Frymore të Ushtrisë, dirigjent i Festivalit të 8të në RTSH, themelues i Bandës Frymore të Tiranës, profesor i shumë brezave të artistëve tek Liceu i Natës, themelues i Ansamblit Artistik Tirana, me të cilin fitoi Eurofanfarë 1991 dhe u përzgjodh drejtues i 23 Fanfarave Europiane, autor i librit mbi historinë e Bandës së Tiranës "Orkestra Frymore e Tiranës: një jetë plot emocione", fitues i çmimeve ndërkombëtare në Festivalet e Euaza de Lamaison dhe Villefranche de Rouergue në Francë, i dekoruar nga Ministria e Kulturës dhe Ministria e Mbrojtjes për kontributin e tij të çmueshëm për artin shqiptar.

Sipas amanetit të tij varrimi do të bëhet në Tiranë.

Për ditën dhe orarin do t'ju njoftojmë pasi të kryhen procedurat e riatdhesimit.

Me respekt,

Familja Rroji./CNA.al

Arti në zi/ Ndahet nga jeta dirigjenti i njohur

Lajmet e fundit nga