LEXO PA REKLAMA!

SHKARKO APP

App Store
Google Play

“Puthja e amazonës”/ Shkrimtarja Mira Meksi hedh në treg romanin më të ri

11 Korrik 2022, 19:53, Kulturë CNA
“Puthja e amazonës”/ Shkrimtarja Mira Meksi hedh në treg
Shkrimtarja Mira Meksi

Shëpia e mirënjohur “Onufri” porsa ka hedhur në treg romanin më të ri të Mira Meksit “Puthja e amazonës”.

Në paskopertinën e romanit lexohet: Një grua e re sfidon vdekjen në përballje me një sëmundje të rëndë gjymtuese për feminilitetin e saj.

Sfidon edhe dashurinë ku kish lidhur shpresën për jetën, që e braktis në çastet më të vështira. Në luftën për mbijetesë arrin të mbahet fort pas fillit të matriarkeve të gjakut, fillit të gjakut të nënës që shkon gjer në fund të kohërave…

Një amazonë luftëtare përballet me gjymtimin e feminilitetit të saj për të manovruar harkun e pathyeshmërisë të prijëses. Ajo përleshet trup më trup me dashurinë të cilën nuk e pranon, por që ia imponojnë Perënditë.

“Puthja e amazonës”/ Shkrimtarja Mira Meksi hedh në treg
Kopertina e Librit te Mira Meksit

Brenda një kohe mitike, mijëra vitet e shkuara dhe e sotmja puqen në një pikë. Të dy gratë e reja, shëmbëlltyra të njëra-tjetrës në lumin e kohës që nuk ndalet, takohen në një çast vetëtimë për të shkëmbyer fuqinë magjike të mbijetesës.

Një thriller fantastik ku bashkohet e shenjta e tatuazhit të Alefit dhe brirëve të demit të Kretës, magjia e një varseje kame të stërlashtë me kumte pellazge, mugujt e mitologjisë greke dhe tmerri i pandemisë së kovidit 19 – gjithçka për të zbuluar përjetësinë e thelbit të ekzistencës njerëzore, nga pena mjeshtërore e autores së romanit të suksesshëm “Kutia e Agatha Christies”./CNA.al

Lajmet e fundit nga