LEXO PA REKLAMA!

SHKARKO APP

Ngjarja horror në Durrës/ 3 fëmijët vranë babain dhe e groposën, zbulohet ekzekutori

24 Shkurt 2024, 09:01, Kronika CNA
Ngjarja horror në Durrës/ 3 fëmijët vranë babain dhe e
Pëllumb Mata

Të tjera detaje tronditëse kanë dalë nga ngjarja e rëndë në fshatin Shën Vlash të Durrësit, ku tre fëmijët, 25, 21 dhe vajza 19 vjeçe kanë marrë pjesë në vrasjen dhe më pas groposjen e babait të tyre, Pëllumb Meta në kasollen e bagëtive.

Mësohet se kanë qenë kamerat e sigurisë të cilat kanë zbuluar lëvizjen e makinës së viktimës një ditë pas denoncimit.

Në fakt kanë qenë tabulatet telefonike ato që kanë rezultuar se telefoni i viktimës ka qenë ende në ambientet e shtëpisë dhe këtu kanë lindur dyshimet e para se kemi të bëjmë me një krim në familje. 

Sipas hetuesve, Pëllumb Mata është vrarë nga fëmijët e tij më 10 shkurt 2024 rreth orës 15:00, ndërsa 3 ditë më pas vetë ekzekutori, Hysen Meta ka bërë denoncimin për zhdukjen e tij.

Pas publikimit të ngjarjes, 19-vjeçarja mori përsipër krimin e rëndë, duke thënë se vrau me armë babain pasi donte ta fejonte pa dëshirën e saj me një emigrant në Itali. 

Por, dëshmia e djalit të viktimës, Hysen Meta ka zbuluar të tjera detaje. Ky i fundit ka  pranuar se ishte ai ekzekutori dhe secili prej fëmijëve ka shpjeguar rolin e tij dhe çfarë ka ndodhur. 

"Planin për vrasjen e babait e bëmë me motrën. Ishte bërë i padurueshëm në familje. Për gjithçka vendoste ai dhe bëhej si thoshte ai. Babai donte të fejonte motrën me një person që nuk e dinim kush ishte, në kundërshti me ne. Vendosëm ta vrisnim me pistoletën e tij, planin e bëmë në mëngjes. Ai ishte shtrirë në divan, i thashë çohu dhe e qëllova 4 herë, në dhomë.  E zhveshëm dhe e mbështollëm me plastmasë. Makinën e tij e çuam te Sektori Rinia dhe më pas bëra denoncim për humbjen", ka thënë Hysen Meta. 

Policia konfirmoi se në këtë rast nuk kemi të bëjmë me një konflikt të çastit, por një plan të menduar nga dy fëmijët, Hygerta dhe Hyseni së bashku. 

"Shtetasit e përfshirë në këtë ngjarje të rëndë kanë deklaruar se motivi i vrasjes ka qenë konfliktet e vazhdueshme familjare që kanë pasur dhe nxitja e babait për një periudhë kohe që vajza të fejohej me një person pa dëshirën e saj", deklaroi dje drejtori i policisë së Durrësit, Skënder Hitaj./CNA 

Lajmet e fundit nga