web counter
LEXO PA REKLAMA!

SHKARKO APP

App Store
Google Play

Detaje nga shpërthimi i makinës/ Makina, në pronësi të një biznesmeni

23 Shkurt 2024, 08:44, Kronika CNA

Detaje nga shpërthimi i makinës/ Makina, në pronësi të

Detajet e para kanë dalë në dritë nga shpërthimi në makinën e parkuar, në Shkodër.

Blutë bëjnë me dije se mjeti ishte në pronësi të biznesmenit 40-vjeçar me iniciale B. F.

Dyshohet se ngjarja ka ndodhur për shkak të një konflikti që ky i fundit ka pasur.

40-vjeçari ka deklaruar para bluve se nuk e ka idenë se kush mund të jetë autori, por theksoi se ka pasur disa debate të vogla me disa persona të ndryshëm.

“Rreth orës 04:30, shtetas ende të paidentifikuar dyshohet se kanë hedhur një sasi të vogël lënde plasëse në automjetin e parkuar në bulevardin “Bujar Bishanaku”, në pronësi të shtetasit B. F., 40 vjeç. Nga ngjarja ka vetëm dëme të pjesshme materiale.

Shërbimet e Policisë dhe grupi hetimor kanë shkuar menjëherë në vendin e ngjarjes ku po punojnë për të përcaktuar autorësinë e rastit, si dhe për të zbardhur rrethanat”, thuhet në njoftimin e policisë.

Në një njoftim të dytë, blutë deklarojnë se në makinë nuk është hedhur tritol, por lëndë djegëse.

“Në lidhje me informacionin e dhënë më parë, për një automjet që dyshohet se ishte djegur me lëndë plasëse, ju informojmë se:

Nga këqyrja e kamerave dhe veprimet e tjera hetimore në vendngjarje, rezultoi se në automjet nuk është hedhur lënde plasëse, por është hedhur lëndë djegëse.

Vijojnë hetimet për të identifikuar autorin/ët dhe për të zbardhur rrethanat e rastit”, thekson policia./ CNA





Lajmet e fundit nga