web counter
LEXO PA REKLAMA!

SHKARKO APP

App Store
Google Play

Dy persona në pranga dhe një tjetër nën hetim në Rinas

22 Shkurt 2024, 10:01, Kronika CNA
Dy persona në pranga dhe një tjetër nën hetim në Rinas

Policia në Rinas ka arrestuar një shtetas rumun me iniciale A. C., 48 vjeç, të cilit iu gjetën në valixhe 1490 paketa me cigare.

Në prangat e Policisë në aeroportin e Rinasit ka rënë edhe Rigels Dacaj, 31 vjeç. I riu është dënuar nga Gjykata e Durrësit, me 3 muaj burgim për veprën penale “Plagosja e lehtë me dashje”, kryer në bashkëpunim.

Ndërkohë kanë nisur hetimet në gjendje të lirë për K. K., 48 vjeç, të cilit iu gjetën 15 000 paund dhe 570 euro, të padeklaruara.

Njoftimi i Policisë: 

Shërbimet e Policisë Kufitare, në 4 pika të kalimit:

?goditën 3 raste të mosdeklarimit të parave ose mallrave. Për to, është arrestuar 1 shtetas, janë proceduar penalisht 3 të tjerë dhe janë sekuestruar 20 285 euro, 15 000 paund dhe 1490 paketa me cigare;

?ndaluan 3 shtetas të shpallur në kërkim për krime kundër personit dhe për falsifikim.

????Rinas

Në hyrje, u arrestua shtetasi rumun A. C., 48 vjeç dhe u referuan materialet në Prokurori, ku nisi procedimi në gjendje të lirë për bashkëjetuesen e tij, shtetasen rumune F. B., 45 vjeçe, pasi nga kontrollet në valixhet e tyre, u gjetën 1490 paketa me cigare, të cilat nuk i kishin deklaruar te shërbimet e pkk-së;

Në hyrje, nga kontrolli fizik, shtetasit grek K. K., 48 vjeç, banues në Londër, iu gjetën 15 000 paund dhe 570 euro, të padeklaruara. Në vijim të veprimeve procedurale nisi procedimi në gjendje të lirë për 48-vjeçarin dhe u sekuestruan shumat e parave;

Në hyrje, pas intervistimeve dhe verifikimeve të kryera në koordinim me Policinë e Durrësit, u ndalua shtetasi i shpallur në kërkim Rigels Dacaj, 31 vjeç, banues në Durrës. 31-vjeçari, i deportuar nga Spanja pasi kishte kryer dënimin atje, për vjedhje, është i dënuar nga Gjykata e Durrësit, me 3 muaj burgim për veprën penale “Plagosja e lehtë me dashje”, kryer në bashkëpunim./CNA 





Lajmet e fundit nga