web counter
LEXO PA REKLAMA!

SHKARKO APP

App Store
Google Play

19-vjeçarja tregon si e vrau të atin: Jam e lumtur që e kreva unë këtë punë!

23 Shkurt 2024, 13:31, Kronika CNA

19-vjeçarja tregon si e vrau të atin: Jam e lumtur që e kreva

Rrëfimi i 19-vjeçares në Shënavlash të Durrësit, e cila vrau me armë të atin është tronditës.

Ajo është shprehur para hetuesve se është e lumtur që kreu aktin e rëndë, pasi sipas saj babai i ka torturuar për vite me radhë. 

Ajo tha se babai vendoste për gjithçka dhe se kur mori vendimin për ta martuar, nuk duroi dot më. 

Vajza ka treguar se të atin e ka vrarë me armën që ai kishte, pasi punonte roje dhe më pas trupin e mbështolli me çarçaf. E reja është shprehur se armën e krimit e hodhi në det. 

“Jam e lumtur që e kreva unë këtë punë dhe nuk pendohem që e kam vrarë tim atë. Ai na ka torturuar dhe i ka nxirë jetën nënës sime. Unë jam fëmija i vogël i familjes. Motra është më e madhja, është e martuar, janë 2 vëllezërit dhe pastaj unë. Mami dhe ne nuk kemi folur kurrë në familje. Për gjithçka fliste dhe vendoste babai. Ai nuk na pyeste kurrë çfare dëshironim. Kur mori vendimin për martesën time, aty erdhi fundi. Nuk dëgjoi çfarë unë doja. M’u mblodh një urrejtje për një kohë të gjatë. Ditën e ngjarjes nuk u konfliktuam fare. Mora armën që babi përdorte kur shkonte në punë si roje dhe e qëllova brenda kasolles së bagëtive. Pas krimit e kam mbështjellë me një çarçaf, pastaj me fasha e në fund me qese. Armën e hodha buzë detit”, ka deklaruar e reja.

Për ngjarjen e rëndë është e dyshuar e gjithë familja, por autorësinë e krimit e ka marrë 19-vjeçarja. Viktima është qëlluar me 4 plumba.

Nga hetimet ka rezultuar se djali i madh i familjes ka zhvendosur makinën e babait. Makina po i nënshtrohet ekspertizës për gjurmë të mundshme./CNA

 





Lajmet e fundit nga