web counter
LEXO PA REKLAMA!

SHKARKO APP

App Store
Google Play

I dënuar nga gjykata për drogë, arrestohet 40-vjeçari në Tiranë

24 Shkurt 2024, 08:54, Kronika CNA
I dënuar nga gjykata për drogë, arrestohet 40-vjeçari
Momente nga arrestimi

Policia e Tiranës ka arrestuar një 40-vjeçar me iniciale K.H.

Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë, e ka dënuar me 4 vjet e 8 muaj burgim për prodhim dhe shitje droge. 

Njoftimi i Policisë: 

Kapet nga Seksioni i Kërkimit, dhe vihet në pranga, një shtetas i dënuar me 4 vjet e 8 muaj burgim, për vepra penale në fushën e narkotikëve.

Shërbimet e Seksionit të Kërkimit, në zbatim të masave të hartuara në kuadër të megaoperacionit policor të koduar "Sundimi i ligjit", bazuar në informacionet e siguruara për vendndodhjen e një shtetasi në kërkim, kanë intensifikuar kontrollet për kapjen dhe vënien e tij përpara përgjegjësisë ligjore.

Si rezultat, në rrugën "Jordjan Misja", u kap dhe vu në pranga shtetasi K.H, 40 vjeç, banues në Tiranë.

Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë, e ka dënuar me 4 vjet e 8 muaj burgim, për veprën penale “Prodhimi dhe shitja e narkotikëve”.

Megaoperacioni "Sundimi i ligjit" vazhdon.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./CNA 





Lajmet e fundit nga