web counter
LEXO PA REKLAMA!

SHKARKO APP

App Store
Google Play

E fundit!

x

“Më bëni çfarë të doni, nuk tregoj ku është djali”/ Zbardhet dëshmia e gjyshit të 3-vjeçarit në Durrës

18 Prill 2024, 16:00, Kronika CNA

“Më bëni çfarë të doni, nuk tregoj ku

Zbardhet dëshmia e gjyshit të djalit 3-vjeçar të zhdukur prej ditësh në Durrës.

Sipas tij nusja i ka kërcënuar se nuk do ta shihnin më nipin e tyre se do ta merrte dhe do të shkontë të jetonte jashtë vendit.

“Nusja na kërcënoi se nuk do ta shikonim më nipin pasi do largoheshin së bashku më të jashtë shtetit. Prandaj edhe ne vepruam në këtë mënyrë. E kemi dritën e syve, nuk jetojmë dot pa të”.

Shtetasi R.Gj, ka thënë se pas humbjes se djalit të tyre, nipi është njeriu më i rëndësishëm për ta dhe pas kërcënimeve të nuses ata u organizuan dhe e morën nga nëna e tij.

Gjyshi i 3-vjeçarit është i vendosur të mos tregojë asgjë dhe se ku fshihet 3-vjeçari.

“Me humbjen e djalit tonë në aksident, nipi zinte vendin e të dyve: edhe të tijën si nip po nëpërmjet pranisë së tij shohim edhe djalin tonë që s’jeton më.

Me nusen nisen debatet që ditët e para që na vdiq djali. Donte të ikte në shtëpinë e prindërve të saj, pa mbush as 40 ditë që bashkëshorti i kishte vdekur. Edhe me pas kemi pasur kontradikta për të marrë djalin (nipin) pasi nuk donte qe ne ta takonim.

Pastaj na e lejonte ta takonim shume rrallë. Kur kërkonim qe ta merrnim në shtëpi që ta mbanim pak orë të çmalleshim, na thoshte merreni edhe këtë radhë se s’keni për ta parë më pasi do ta marrë e do iki jashtë shtetit të vazhdojmë jetën tonë.

Ajo mund të vazhdojë jetën e saj se nuk ka të drejtë ta ndalojë askush, por nuk ka të drejtë të na mohojë faktin për të takuar nipin. Nga frika se nuk do ta shikonim me nipin, u organizuam ta merrnim dhe ta mbanim vete. Kemi marrë parasysh gjithçka.  Nuk tregoj ku ndodhet djali. Me bëni çfarë të doni”, ka deklaruar gjyshi i 3-vjeçarit./ CNA





Lajmet e fundit nga