LEXO PA REKLAMA!

SHKARKO APP

Vrasja e Gentian Bejtjas/ Dëshmitari rrëfen detaje: Personat ishin të maskuar, u frikësova

17 Prill 2024, 21:22, Kronika CNA

Vrasja e Gentian Bejtjas/ Dëshmitari rrëfen detaje: Personat ishin

Gazetarja Klodiana Lala përmes emisionit Në Shënjestër ka zbardhur deklarimet e dëshmitarit, në lidhje me vrasjen e Gentian Bejtjas.

Dëshmitari ka treguar se ka parë disa persona të maskuar që dyshohet se është grupi kriminal që ka ekzekutuar Bejtjan.

 “Sapo kalova kryqëzimin e rrugës dytësore, në rrugën që të nxjerr te karburant ‘K….’, përpara automjetit tim unë pashë dy motorë katër rrotësh, një automjet ‘Golf’ të zi, model 5 ose 6 tip i ri, pa targa në pjesën e pasme si dhe një automjet tjetër me ngjyrë gri, që targën nuk ia fiksova dot”, ka deklaruar dëshmitari, sipas dokumentarit të emisionit “Në Shënjestër”.

 “Ajo që konstatova më tej është se në afërsi të këtyre automjeteve dhe motorëve ndodheshin tre persona që qëndronin në këmbë. Ndërsa dy të tjerë, shoferi dhe pasagjeri i përparmë, ndodheshin në mjetin tip ‘Golf’ të zi. Ajo që munda të dalloj me tej është se të tre personat që qëndronin në këmbë në rrugë pranë motorëve, kishin kapuçin e xhupave në kokë, dhe nuk i kanë hequr për asnjë moment. Dhe ata po qëndronin pothuaj ngjitur me mjetin tip ‘Golf’ dhe po flisnin me njëri tjetrin”, vijon më tej dëshmia e tij.

Dëshmitari është shprehur se në një momet është friëksuar pasi Golf i është nga pas, ose të paktën kështu ka patur ndjesinë.

“Në këtë situatë unë u ndjeva i frikësuar, dhe vendosa t’i kaloj anash mjeteve të dyshimta që kishin ndalur në rrugë. Por vetëm pasi lëviza rreth 100 metra, para se të dilja në rrugën kryesore, unë vura re pas meje mjetin tip ‘Golf’ të Zi, që po ma bënte me drita. Dhe që po kërkonte ti hapja rrugën dhe të kaloja përpara. Kjo ishte hera e fundit që e pashë mjetin ‘Golf’ të zi. Pasi ndërsa më parakaloi, ky mjet shtoi shpejtësinë deri në kryqëzimin e aksit kryesor rrugor Fushë Krujë-Laç dhe më pas u kthye djathtas në drejtim të Fushë-Krujës”, shton më tej deshmitari./ CNA

Lajmet e fundit nga