LEXO PA REKLAMA!

SHKARKO APP

Arrestohet ish-kandidati i Bashës për Vorën

16 Prill 2024, 13:18, Kronika CNA
Arrestohet ish-kandidati i Bashës për Vorën
Ymer Marku

Policia e Tiranës ka arrestuar ish-kryetarin e Komunës së Bërxullës, Ymer Marku, dhe 2-ish zyrtarë dhe 1 qytetar. Në qeli kanë përfunduar edhe shtetasit K. B., 65 vjeç, A. L., 53 vjeç, të tre banues në Vorë, dhe K. A., 60 vjeç. 

Ymer Marku bashkë me dy ish-zyrtarët K. B., A. L., akuzohen për kryerjen e veprës penale “Shpërdorimi i detyrës” dhe shtetasi K. A. për veprat penale “Falsifikimi i dokumenteve” dhe “Pastrimi i produkteve të veprës penale”. 

Ymer Marku ka qenë kandidat i Lulzim Bashës për Vorën gjatë zgjedhjeve të pjesshme të vitit 2022.

Njoftimi i policisë: 

Finalizohet nga Sektori për Hetimin e Krimeve Ekonomike dhe Financiare, në bashkëpunim me Sektorin e Forcës së Posaçme të Operacioneve Speciale dhe Kërkimit dhe Komisariatin e Policisë Nr. 7, operacioni policor i koduar "Haunting".

Ekzekutohet masa e sigurisë "Arrest në burg", për 4 shtetas.

Sekuestrohet një sipërfaqe toke 7500 m2, në fshatin Bërxullë, bashkia Vorë.

Specialistët e Sektorit për Hetimin e Krimeve Ekonomike dhe Financiare, në bashkëpunim me Sektorin e Forcës së Posaçme të Operacioneve Speciale dhe Kërkimit dhe Komisariatin e Policisë Nr. 7, kanë finalizuar operacionin policor të koduar "Haunting", për ekzekutimin e masës së sigurisë "Arrest në burg", të caktuar nga Gjykata e Shkallës së Parë e Juridiksionit të Përgjithshëm Tiranë, për veprat penale "Shpërdorimi i detyrës” dhe "Falsifikimi i dokumenteve", për shtetasit:

Y. M., 55 vjeç, K. B., 65 vjeç, A. L., 53 vjeç, të tre banues në Vorë, dhe K. A., 60 vjeç, banues në Kombinat.

Nga verifikimet e kryera ka rezultuar se këta shtetas, në bashkëpunim me njëri-tjetrin, duke shpërdoruar detyrën, kanë falsifikuar dokumentet e një sipërfaqeje toke, në fshatin Bërxullë.

Gjithashtu, në kuadër të operacionit, është sekuestruar një sipërfaqe toke 7500 m2, në fshatin Bërxullë, bashkia Vorë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./CNA 

Lajmet e fundit nga