LEXO PA REKLAMA!

SHKARKO APP

Vrau vjehrrin dhe vëllanë e ish-gruas/ Gjykata dënon me burg përjetë Besnik Pjetrin

16 Prill 2024, 10:33, Kronika CNA
Vrau vjehrrin dhe vëllanë e ish-gruas/ Gjykata dënon me burg
Gjykata e Lezhës

Të martën, Gjykata e Lezhës dënoi me burg të përjetshëm Besnik Pjetrin (Përdeda), i cili në muajin gusht të vitit 2022 vrau ish-vjehrrin dhe vëllanë e ish-gruas në fshatin Grykë Zezë të Lezhës. Pjetri u shpall fajtor për veprën penale të vrasjes dhe armëmbajtje pa leje.

Besnik Pjetri ishte baba i dy vajzave dhe prej 6 vitesh ishte i divorcuar nga gruaja. Ai nuk ishte dakord me këtë ndarje dhe vazhdimisht debatonte me ish-vjehrrin për këtë çështje.

Më 29 gusht të 2022, ai mësoi se ata ishin kthyer nga Italia ku jetonin prej 20 vitesh dhe shkoi në banesën e tyre duke i qëlluar me automatik e duke i lënë të vdekur.

Autori dhe ish-bashkëshortja e tij jetonin në Itali, pas divorcit qëndruan në vendet e BE-së dhe së fundmi u kthyen në Shqipëri.

Bëhet e ditur se ish-bashkëshortja e kishte denoncuar për dhunë në Itali, ku kreu edhe 2 vite burg./CNA 

Lajmet e fundit nga