E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Rrëmbimi i 3-vjeçarit nga gjyshërit/ Policia kontrolle në Kukës dhe Has, 2 të arrestuar dhe 2 në kërkim

18 Prill 2024, 09:28, Kronika CNA

Rrëmbimi i 3-vjeçarit nga gjyshërit/ Policia kontrolle në

Foto ilustruese

Që prej datës 13 prill, policia ka nisur kërkimet për gjetjen e një 3-vjeçari, që dyshohet se po mbahet në mënyrë të padrejtë nga gjyshërit e tij.

Blutë po vijojnë ende kërkimet, ndërsa bëhet me dije se janë kryer kontrolle në disa banesa të të afërmve të gjyshes së 3-vjeçarit, në Kukës dhe në Has, ku kishte indicie se mund të mbahej i mituri.

Deri më tani për këtë çështje janë ndaluar gjyshi i 3-vjeçarit me iniciale R. Gj. dhe vëllai i gjyshes së 3-vjeçarit me iniciale A. S.

Gjithashtu janë shpallur në kërkim shtetasit gjyshja e 3-vjeçarit me iniciale B. Gj. Dhe vëllai tjetër i 57-vjeçares F. S.

Policia njofton se po vijon pa ndërprerje kërkimet për gjetjen e 3-vjeçarit, për kapjen e 2 personave të shpallur në kërkim, , si dhe për identifikimin dhe nxjerrjen përpara përgjegjësisë penale të shtetasve të tjerë që mund të jenë implikuar në këtë rast.

Njoftimi i plotë:

Kërkimet dhe veprimet e thelluara hetimore për rastin, po kryhen nga Policia e Durrësit, në drejtimin e Prokurorisë së Durrësit.

Në vijim të punës që po kryhet nga Policia, me qëllim gjetjen e 3-vjeçarit që i është marrë nënës së tij, më datë 13.04.2024, dhe që dyshohet se po mbahet në mënyrë të padrejtë, nga gjyshërit e tij, si dhe me qëllim individualizimin e përgjegjësisë penale për këtë rast, ju informojmë se:

Komisariati i Policisë Durrës, në bashkëpunim me Drejtorinë Vendore të Policisë Kukës, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Durrës, kanë kryer kontrolle në disa banesa të të afërmve të gjyshes së 3-vjeçarit, në Kukës dhe në Has, ku kishte indicie se mund të mbahej i mituri.

Gjithashtu, është bërë ndalimi i shtetasve R. Gj., 60 vjeç, gjyshi i 3-vjeçarit, banues në Durrës dhe A. S., 49 vjeç, vëllai i gjyshes së 3-vjeçarit, banues në Has. Më tej, janë shpallur në kërkim shtetasit B. Gj., 57 vjeçe, gjyshja e 3-vjeçarit, banuese në Durrës dhe F. S., 43 vjeç, vëllai tjetër i 57-vjeçares, banues në Has.

Policia e Shtetit, në drejtimin e Prokurorisë, po vijon pa ndërprerje kërkimet për gjetjen e 3-vjeçarit, për kapjen e 2 shtetasve të shpallur në kërkim, për individualizimin e përgjegjësisë penale të këtyre 4 shtetasve, si dhe për identifikimin dhe nxjerrjen përpara përgjegjsisë penale të shtetasve të tjerë që mund të jenë implikuar në këtë rast./ CNA