web counter
LEXO PA REKLAMA!

SHKARKO APP

App Store
Google Play

Kontrolli i policisë fundos dy persona/ E pabesueshme çfarë iu gjet në makinë

26 Korrik 2022, 11:19, Kronika CNA

Kontrolli i policisë fundos dy persona/ E pabesueshme çfarë iu

Dy persona kanë rënë në prangat e policisë së Tiranës, në kuadër të operacionit të koduar “Double strike", për goditjen e veprimtarisë kriminale në fushën e armëmbajtjes pa leje.  

Sipas uniformave blu gjatë këtij operacioni janë sekuestruar një armë zjarri snajper, një armë zjarri pistoletë, një karikator arme automatike, dy krehra pistolete, një sasi municioni luftarak, dy palë dylbi nate terminale dhe një dokument policie.  

“Shërbimet e Komisariatit të Policisë Nr. 1, në bashkëpunim me shërbimet e Forcës së Posaçme "Shqiponja", në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara në rrugë operative se në afërsi të rrethrrotullimit të Sanatoriumit, me një automjet, po qarkullonin 2 shtetas të armatosur, kanë organizuar punën dhe kanë finalizuar me sukses operacionin policor të koduar “Double strike”.   

Si rezultat i këtij operacioni, u bë kapja dhe arrestimi në flagrancë i shtetasve: 

- R. R., 39 vjeç, banues në Tiranë;

- E. H., 28 vjeç, banues në Laknas, me precedent të mëparshëm penal në fushën e vjedhjes.

Gjatë kontrollit në automjetin me drejtues shtetasin R. R. dhe pasagjer shtetasin E. H., shërbimet e Policisë gjetën dhe sekuestruan, në cilësinë e provës materiale, një armë zjarri snajper, targa të huaja, një mjet identifikimi ai ato të Policisë dhe një pult për hapjen dhe mbylljen e targave të mjetit.

Në vijim të kontrollit, në banesat e këtyre shtetasve, u gjetën një armë zjarri pistoletë, dy palë dylbi dhe municion luftarak, të cilat u sekuestruan, në cilësinë e provës materiale, së bashku me automjetin.

Materialet i kaluan Prokurorisë, për veprime të mëtejshme procedurale, për veprat penale "Mbajtja pa leje dhe prodhimi i armëve, armëve shpërthyese dhe i municionit" dhe “Mbajtja pa të drejtë e uniformës”.-njofton policia./CNA.al





Lajmet e fundit nga