LEXO PA REKLAMA!

SHKARKO APP

Ishte shpallur në kërkim/ Arrestohet i shumëkërkuari në Poliçan

16 Mars 2023, 12:07, Kronika CNA

Ishte shpallur në kërkim/ Arrestohet i shumëkërkuari në

Policia e Poliçanit ka arrestuar shtetasin me iniciale F.D., pasi ishte shpallur në kërkim pas një operacioni të kryer në shtëpinë e tij.

Si pasojë e aksionit policor u sekuestruan në banesë lëndë narkotike, municion dhe armë gjahu pa leje.

28-vjeçari u ndalua në dalje të Shqipërisë pas disa ditësh kërkimesh.

Njoftim i plotë policie:

Poliçan, Skrapar/Vijon operacioni policor i koduar "Gurazez", i zhvilluar më 28 janar të këtij viti.

Mbante në banesë drogë, municion dhe armë gjahu pa leje, lokalizohet, kapet dhe vihet në pranga 28-vjeçari i shpallur në kërkim.

Specialistët për Hetimin e Krimeve të Stacionit të Policisë Poliçan në bashkëpunim me shërbimet e Policisë Kufitare të Kapshticës, si rezultat i veprimeve procedurale të kryera në kuadër të operacionit "Gurazez", bënë ndalimin e shtetasit F. D., 28 vjeç, banues në fshatin Gurazez, Skrapar.

28-vjeçari u ndalua në dalje të Republikës së Shqipërisë, pasi më datë 28.01.2023, gjatë kontrollit në banesën e tij, të ushtruar në kuadër të operacionit policor të koduar “Gurazez”, shërbimet e Policisë gjetën dhe sekuestruan në cilësinë e provës materiale, 1 armë gjahu që mbahej pa leje nga shtetasi F. D., 34 fishekë të kësaj arme dhe një sasi lënde narkotike kanabis.

Materialet procedurale i kaluan Prokurorisë pranë Gjykatës së Rrethit Gjyqësor Berat, për veprime të mëtejshme./CNA.al

Lajmet e fundit nga