web counter
LEXO PA REKLAMA!

SHKARKO APP

App Store
Google Play

Nëna lehonë, në qeli për braktisje të fëmijës/ Bashkëshorti: Lirojeni se e bëj unë burgun

15 Mars 2023, 18:02, Kronika CNA

Nëna lehonë, në qeli për braktisje të

27-vjeçarja Diana Bahçja, nga fshati Drisht i Shkodrës, u arrestua pak ditë më parë me akuzën e braktisjes së fëmijës.

Në vitin 2020 gjykata i kishte vënë një gjobë në shumën prej 250 mijë lekësh Diana Bahçes për braktisje të fëmijës.

Duke qenë se ajo nuk e ka paguar asnjëherë këtë gjobë, në 13 qeshor të vitit 2022 është mbajtur një tjetër gjyq, ku 27-vjeçarja u dënua me 1 muaj e 20 ditë burg.

Kështu, vetëm 8 ditë pasi solli në jetë fëmijën e saj të dytë, e reja u dërgua në qeli. Familjarët e gruas lehonë kanë kërkuar që Diana Bahçja të lihet e lirë, ndërsa një kërkesë të tillë e kanë paraqitur në gjykatë dy avokatët, Anton Kosteri dhe Edit Gyrcari.

Avokatët shprehen se Diana Bahçja nuk ka pasur dijeni për gjobën, ndaj duan që ajo ta kryejë dënimin pasi fëmija i saj të mbushë 1-vjeç.

“Kërkuesja Diana Bahçja (Hoshi) nuk ka pasur dijeni dhe nuk është njoftuar as për vendimin penal të themelit (dënimit) Nr. 1054, datë 18.06.2020 të Gjykatës së Rrethit Gjyqësor Tiranë me të cilin është dënuar me gjobë dhe aq më pak për vendimin penal të konvertimit të gjobës në burgim me Nr. 113 A, datë 13.06.2022 të Gjykatës së Rrethit Gjyqësor Tiranë”, thuhet në njoftim.

Për këtë ngjarje ka folur edhe bashkëshorti i Dianës, Nazmiu, i cili thotë se dëshiron që 27-vjeçarja të nxirret nga qelia.

Madje ai vetëofrohet të bëjë burg në vend të bashkëshortes, në mënyrë që kjo e fundit të vijë pranë foshnjes.

Nazmiu tregon se ai dhe Diana kanë refuzuar të firmosin shkresat në polici, por pavarësisht kësaj, të renë nuk e lanë të lirë./ CNA.al





Lajmet e fundit nga