LEXO PA REKLAMA!

SHKARKO APP

Iu bë atentat pak ditë më parë/ Shtyhet seanca për Fatjon Muratin dhe Kristian Gjinin

15 Mars 2023, 10:41, Kronika CNA
Iu bë atentat pak ditë më parë/ Shtyhet seanca për
Foto ilustruese

Ka dështuar seanca gjyqësore në Gjykatën e Tiranës, për të dhënë pretencën për Fatjon Muratin, i cili aktualisht është i shpallur në kërkim si dhe Kristian Gjinin, në lidhje me arsenalin e armëve të gjetura në korrik të vitit të kaluar.

Shkak e shtyrjes së seancës është bërë mungesa e një prej avokatëve, i atij të Kristian Gjinit.

Seanca e radhës do të mbahet me 29 mars. Kujtojmë se pak ditë më parë ndaj lokalit të Fatjon Muratit u qëllua me breshëri plumbash duke lënë një viktimë dhe 6 të plagosur.

Pas ngjarjes, Fatjon Murati nuk është gjetur në banesën e tij, pasi i ishte caktuar masa arrest shtëpie.

Kështu është shpallur në kërkim nga policia pas ngjarjes në lokalin e tij në Don Bosko.

Disa javë më parë Fatjon Murati, kishte kërkuar nga prokuroria një muaj leje që të dilte nga banesa nga ora 08:00-20:00 për arsye shëndetësore, por kjo kërkesë e tij është rrëzuar nga prokuroria. Kujtojmë se Murati pas ngjarjes kriminale që ndodhi në Don Bosko, nuk është gjetur në banesën e tij ku ishte në arrest shtëpie, ndërsa mendohet se është larguar ilegalisht jashtë vendit./ CNA.al

Lajmet e fundit nga