LEXO PA REKLAMA!

SHKARKO APP

Gara me makina dhe shpejtësi tej normave të lejuara/ Polica procedon 70 shoferë

14 Mars 2023, 13:35, Kronika CNA

Gara me makina dhe shpejtësi tej normave të lejuara/ Polica procedon

Gjatë ditëve të fundit policia rrugore ka proceduar 70 shoferë në Tiranë.

Me anë të një njoftimi bëhet me dije se dy arsyet kryesore për procedimin penal të këtyre shtetasve janë për mosrregullim shpejtësie dhe për gara shpejtësie.

“Në funksion të kontrolleve parandaluese, efektivët e Komisariatit Rajonal të Policisë Rrugore Tiranë kanë shtuar kontrollet në rrugët urbane dhe interurbane kryesore, me risk për aksidente rrugore, për shkak të mosrregullimit të shpejtësisë, kryesisht në qendrat e banuara dhe në afersi të vendkalimeve të këmbësorëve.

Si rezultat i kontrolleve me patrulla dhe mjete civile, të alternuara me shërbime të tjera të uniformuara, gjatë ditëve të fundit janë konstatuar dhe proceduar 70 drejtues mjetesh, për mosrregullim shpejtësie dhe për gara shpejtësie. Gjithashtu, duke konsideruar impaktin negativ që shumë të rinj japin në rrjetet sociale, duke publikuar shkelje të rregullave të qarkullimit rrugor, kryesisht shpejtësitë mbi normat e lejuara, garat e shpejtësisë dhe përdorimin e celularit, po vijon puna për identifikimin dhe procedimin e tyre, sipas shkeljeve të kryera”, thuhet ndër të tjera në njoftimin e policisë./CNA.al

Lajmet e fundit nga