web counter
LEXO PA REKLAMA!

SHKARKO APP

App Store
Google Play

E fundit!

x

Falsifikoi dokumentet/ Arrestohet ish-punonjësi i Kadastrës në Lushnjë

13 Mars 2023, 14:45, Kronika CNA

Falsifikoi dokumentet/ Arrestohet ish-punonjësi i Kadastrës në

Policia njofton se ka arrestuar ish-punonjësin e zyrës së Kadastrës në ish-komunën Dushk, Agim Gjylën.

Sipas njoftimit të policisë, 64-vjeçari Agim Gjyla ishte shpallur në kërkim pasi ishte dënuar me 1 vit burg nga Gjykata e Shkallës së Parë, për veprën penale “Falsfikimi i dokumenteve”.

Në vitin 2018, gjatë kohës që ka qenë punonjës i zyrës së Kadastrës në ish-komunën Dushk, 64-vjeçari ka falsifikuar disa dokumente, me qëllim për të ndryshuar kufijtë e pronave.

“Falsifikoi dokumentet, për të ndryshuar kufijtë e pronave, kapet dhe vihet në pranga, ish-punonjësi i zyrës së Kadastrës në ish-komunën Dushk.

Specialistët për Hetimin e Krimeve të Komisariatit të Policisë Lushnjë, në bashkëpunim me shërbimet e Policisë Kufitare Rinas, kapën dhe ndaluan shtetasin Agim Gjyla, 64 vjeç, banues në fshatin Dushk, Lushnjë. Ky shtetas ishte shpallur në kërkim, pasi Gjykata e Shkallës së Parë Lushnjë e ka dënuar me 1 vit burgim, për veprën penale 'Falsifikimi i dokumenteve'.

Shtetasi Agim Gjyla, në vitin 2018, gjatë kohës që ka qenë punonjës i zyrës së Kadastrës në ish-komunën Dushk, ka falsifikuar disa dokumente, me qëllim për të ndryshuar kufijtë e pronave. Materialet procedurale i kaluan Prokurorisë, për veprime të mëtejshme”, njofton Policia./CNA.al





Lajmet e fundit nga