web counter
LEXO PA REKLAMA!

SHKARKO APP

App Store
Google Play

E fundit!

x

Krimi i rëndë në Tiranë/ Policia zbardh detaje të reja nga ngjarja

12 Mars 2023, 22:21, Kronika CNA

Krimi i rëndë në Tiranë/ Policia zbardh detaje të reja

Një atentat ka tronditur kryeqytetin në një lokal në zonën e “Don Boskos” në Tiranë.

Shefi i seksionit të vrasjeve, Alket Shatro gjatë një deklarate për mediat njoftoi se për pasojë ka vdekur banakierja e lokalit dhe janë plagosur 5 persona ku mes tyre është dhe një e mitur 10-vjeçare.

Viktima nga kjo ngjarje e rëndë është shtetasja M.P rreth 60-vjeçe.

Shatro ka njoftuar gjithashtu se lokali është në pronësi të një personi me precedent kriminal me iniciale F.M, ky i fundit nuk është plagosur.

Njoftim i plotë i policisë:

Tiranë/Informacion paraprak

Më datë 12.03.2023, rreth orës 21:05, në rrugën "Ananstas Shundi", në lokalin në pronësi të shtetasit F. M., në rrethana ende të paqarta, nga persona ende të paidentifikuar, është qëlluar me armë zjarri.

Si pasojë ka humbur jetën shtetasja Mimoza Paja, rreth 60 vjeçe, banakierja e lokalit, si dhe janë plagosur shtetasit S. M., 50 vjeç, A. M.,42 vjeç, E. S., 47 vjeç, E. B., 45 vjeç, G. Sh., 55 vjeç, të cilët ndodhen nën kujdesin e mjekëve.
Gjithashtu është lënduar në dorë nga ciflat e xhamave, një e mitur 10-vjeçare.

Për hetimin e kësaj ngjarjeje është ngritur një grup i posaçëm hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.

Ndërkohë janë ngritur pika kontrolli në bashkëpunim me Drejtoritë Vendore të Policisë Durrës, Elbasan, Lezhë e Dibër.

Shërbimet e Policisë po vijojnë kontrollet në gjithë territorin ku dyshohet që mund të kenë lëvizur ose ku mund të fshihen autorët./CNA.al





Lajmet e fundit nga