web counter
LEXO PA REKLAMA!

SHKARKO APP

App Store
Google Play

“Do ju shoqëroja në komisariat”/ Ish-zyrtari i policisë “bën për një lek” moderatoren dhe ekspertin

11 Mars 2023, 21:48, Kronika CNA
“Do ju shoqëroja në komisariat”/ Ish-zyrtari i
Ish-shefi i Policisë Rrugore të Tiranës, Krenar Ahmeti.

Gazetarja Jonida Shehu dhe eksperti i sigurisë rrugore, Artur Sulçe shkelën në transmetim live shenjat e qarkullimit rrugor.

Ata qëndruan në karexhatë, pjesë e destinuar vetëm për lëvizjen e automjeteve. Gjithashtu ata nuk ishin të pajisur me jelekë fosforeshentë, duke u bërë kështu burim aksidenti.

Për këtë sjellje, gazetarja dhe eksperti kanë marrë kritika të forta nga ish-shefi i Policisë Rrugore të Tiranës, Krenar Ahmeti.

Ky i fundit tha në emisionin “Review” se nëse do të ishte në detyrë do t’i shoqëronte të dy në komisariat.

Ish-drejtuesi i lartë i policisë deklaroi se një makinë mund t’i marrë jetën në transmetim live, pasi ndodhen në zonë të rrezikshme.

“Nëse unë do të isha oficer i policisë, shef i policisë rrugore, të dyve që jeni në karaxhatë unë do ju shoqëroja në komisariat pasi jeni në zonë të rrezikshme.

Karaxhata është pjesë e rrugës e destinuar vetëm për lëvizjen e automjeteve. Eksperti që ke në krahë nuk ka as fosforeshente dhe ju nuk keni veshur, Jonida kaloni në zonën e sigurisë. Ke vizën pa ndërprerje, jeta juaj është shumë e rëndësishme.

Ne jemi modele dhe nuk mund t’i japim shembull qyetarëve të dalin në karaxhatë. Nuk mund të dalim në rrugë aty, zotëria pa fosforeshente se jeni dhe ekspert rrugor. Ju aty nuk jeni shumë vizibël, një makinë aty mund t’iu marrë jetën. Jeni live, doni të vdisni live”, theksoi Ahmeti.

Pas qëndrimit të tij të ashpër, Shehu dhe Sulçe u larguan nga karexhata, duke dalë në një zonë më të sigurt./ CNA.al





Lajmet e fundit nga