LEXO PA REKLAMA!

SHKARKO APP

I mori ryshfet një shoferi/ Pezullohet nga detyra efektivi në Fier

29 Mars 2023, 18:09, Kronika CNA
I mori ryshfet një shoferi/ Pezullohet nga detyra efektivi në Fier
Drejtoria Vendore e Policisë Fier

Drejtoria Vendore e Policisë Fier ka reaguar në lidhje me një rast të publikuar në rrjete sociale, në të cilin shfaqet një person që i jep ryshfet një punonjësi të Policisë Rrugore, me qëllim shmangien e masës administrative, për shkelje të Kodit Rrugor.

Mësohet se drejtori i Policisë së Fierit ka pezulluar menjëherë nga detyra inspektorin me iniciale G.M., me detyrë punonjës i Sektorit të Qarkullimit Rrugor të DVP Fier.

Njëkohësisht, Drejtoria e Standardeve Profesionale në Drejtorinë e Përgjithshme të Policisë së Shtetit ka nisur ecurinë disiplinore ndaj punonjësit të Policisë, për shkelje të rëndë, ndërsa nga AMP ka nisur hetimi penal për këtë rast.

Drejtoria Vendore e Policisë Fier falënderon mediat dhe qytetarët që denoncojnë raste të abuzimit me detyrën të punonjësve të Policisë, dhe iu garanton reagim të menjëhershëm, të paanshëm dhe konform ligjit./ CNA.al

Lajmet e fundit nga