web counter
LEXO PA REKLAMA!

SHKARKO APP

App Store
Google Play

E fundit!

x

Asnjë gjurmë prej një viti/ Familjari i Ervis Martinajt dorëzon në SPAK kodet e aplikacionit "Sky"

18 Shtator 2023, 18:26, Kronika CNA
Asnjë gjurmë prej një viti/ Familjari i Ervis Martinajt
I shumëkërkuari Ervis Martinaj

Që prej gushtit të 2022-shit, Ervis Martinaj, njëri nga personat e shumëkërkuar nga policia, i njohur si “mbreti” i lojërave të fatit, është zhdukur pa gjurmë.

Teksa ka kaluar më shumë se një vit nga zhdukja e Martinajt, SPAK ka zbërthyer disa përgjime në aplikacionin “Sky”, ku del në skenë edhe biznesmeni.

Së fundmi, një person i afërt i familjes së personit të shumëkërkuar është paraqitur në SPAK dhe ka dorëzuar disa kode të aplikacionit “Sky”, që janë përdorur nga ky i fundit para se të zhdukej.

Familjarët e kanë ndërmarrë këtë veprim me shpresën se bisedat në këtë aplikacion do të identifikojnë personat e fundit që kanë pasur kontakt me Ervis Martinajn apo do të zbulojnë ndonjë të dhënë që hedh dritë mbi fatin e tij.

“SKY” është aplikacioni që po zbërthehet nga organet e drejtësisë në Shqipëri dhe jo vetëm, për të zbardhur ngjarje kriminale apo lidhjet e personave me precedentë penale me politikën.

Kujtojmë se “mbreti” i lojërave të fatit humbi kontaktet me familjen më 9 gusht të 2022-shit.

Ishte xhaxhai i tij, Rakip Martinaj, personi që bëri kallëzim në polici për humbjen e kontakteve të familjes me nipin e tij, i cili rezulton person në kërkim.

Për fatin e Martinajt ekzistojnë disa pista, ajo e eleminimit nga kundërshtarët, si dhe ajo e inskenimit të zhdukjes, por policia ende nuk ka dalë me një deklaratë zyrtare që të qartësojë çfarë ka ndodhur me të shumëkërkuarin./ CNA





Lajmet e fundit nga