web counter
LEXO PA REKLAMA!

SHKARKO APP

App Store
Google Play

Arrestohet një tjetër përndjekës/ Nuk linte të qetë ish-bashkëshorten

23 Tetor 2024, 15:11, Kronika CNA
Arrestohet një tjetër përndjekës/ Nuk linte të
Foto ilustruese

Një tjetër përndjekës është arrestuar nga policia këtë të mërkurë.

Kësaj radhe, në pranga ka rënë një 50-vjeçar nga Korça.

Shtetasi me iniciale L. R. akuzohet se ka përndjekur ish-bashkëshorten e tij, e cila është e pajisur me urdhër-mbrojtjeje.

Gjithashtu, 50-vjeçari ka shkuar në banesën e saj, në kundërshtim me vendimin e gjykatës.

“Komisariati i Policisë Korçë arrestoi në flagrancë shtetasin L. R., 50 vjeç, banues në Korçë, pasi ka përndjekur ish-bashkëshorten e tij, e cila është e pajisur me urdhër mbrojtjeje, dhe ka shkuar në banesën e saj, në kundërshtim me vendimin e gjykatës”, thuhet në njoftimin e policisë.

Përndjekja është një fenomen që CNA e trajtuar edhe më herët, pasi kemi raportuar se rastet kanë ardhur duke u shtuar.

Përndjekja është një vepër shumë e rëndë dhe sipas Kodit Penal dënohet me burgim nga gjashtë muaj gjer në katër vjet burg.

Arrestohet një tjetër përndjekës/ Nuk linte të

Ekspertët kanë ngritur alarmin për CNA lidhur me sjelljet e përndjekësve, rrezikshmërinë që ata sjellin jo vetëm te viktimat e tyre, por për të gjithë shoqërinë dhe kryesisht për personat me të cilët ndërveprojnë, qoftë në punë, apo në aktivitete të tjera të jetës së përditshme.

Ekspertët kanë kërkuar ashpërsim të ligjit dhe kanë theksuar për CNA-në se përndjekja ka një sërë pasojash për personat e dëmtuar, duke filluar nga ndjenja e frikës dhe ankthit, duke vazhduar me vështirësitë për të bërë një jetë të lirë, e në raste ekstreme mund të rezultojë dhe në humbje jete për shkak se viktima zgjedh t’i japë fund jetës./ CNA





Lajmet e fundit nga