web counter
LEXO PA REKLAMA!

SHKARKO APP

App Store
Google Play

E fundit!

x

Përndjekjet vazhdojnë, shteti në gjumë

15 Tetor 2024, 20:35, Aktualitet CNA
Përndjekjet vazhdojnë, shteti në gjumë
Foto ilustruese

Policia njoftoi këtë të martë arrestimin e një tjetër përndjekësi.

Në pranga është vënë një 47-vjeçari me inicialet Z. P., i cili është denoncuar nga një 17-vjeçare se e ka përndjekur për një muaj në rrugë dhe në rrjete sociale.

Çfarë bie në sy është se 47-vjeçari ka qënë edhe më parë i arrestuar për të njëjtën vepër penale.

Pavarësisht se e ka përndjekur më parë një vajzë, ai është lënë të lëvizë i lirë dhe këtë gjë ka vijuar ta bëjë sërish me një të mitur.

Në fakt, rasti i sotëm nuk është i vetmi. CNA e ka trajtuar me seriozitet fenomenin e përndjekjes dhe ka ngritur shqetësim për shtimin e rasteve dhe për mosmarrjen e masave nga institucionet. (Lexo këtu)

Përndjekja është një vepër shumë e rëndë dhe sipas Kodit Penal dënohet me burgim nga gjashtë muaj gjer në katër vjet burg.

Përndjekjet vazhdojnë, shteti në gjumë
Vepra penale e përndjekjes

Por pas kryerjes së dënimit, gjithmonë në rastet kur një gjyqtar e ka parë të nevojshme izolimin nga shoqëria, përndjekësit i rikthehen jetës penale me të njëjtin zell, pa përmendur këtu rastet kur përndjekësit lihen të lirë nga autoritetet.

Është thënë dhe stërthënë që duhet një regjistër kombëtar për këta persona. Këtë kërkesë e kanë theksuar në disa raste sociologët, por edhe avokatët në intervista për CNA-në. (Lexo këtu)

Deri më tani të vetmit regjistra nëse mund të quhen të tillë, janë ato të policisë për arrestime ditore apo mujore dhe ato të prokurorëve dhe gjyqtarëve për numrin e çështjeve të hetuara dhe të gjykuara.

Përndjekjet vazhdojnë, shteti në gjumë
Foto ilustruese

Ekspertët kanë ngritur alarmin lidhur me sjelljet e përndjekësve, rrezikshmërinë që ata sjellin jo vetëm te viktimat e tyre, por për të gjithë shoqërinë dhe kryesisht për personat me të cilët ndërveprojnë, qoftë në punë, apo në aktivitete të tjera të jetës së përditshme. (Lexo këtu)

Ata kanë deklaruar se kjo vepër penale nuk kryhet vetëm nga persona të paarsimuar, por edhe nga ata që kanë një nivel të lartë të shkollimit.

Ekspertët kanë kërkuar ashpërsim të ligjit dhe kanë theksuar për CNA-në se përndjekja ka një sërë pasojash për personat e dëmtuar, duke filluar nga ndjenja e frikës dhe ankthit, duke vazhduar me vështirësitë për të bërë një jetë të lirë, e në raste ekstreme mund të rezultojë dhe në humbje jete për shkak se viktima zgjedh t’i japë fund jetës. (Lexo këtu)

Përndjekjet vazhdojnë, shteti në gjumë
Foto ilustruese

Përndjekësit janë aty, në rrugë, në mes të qyteteve, pas kompjutrave apo ekraneve të celularëve. Pasojat i vuajnë viktimat e tyre, familjet dhe e gjithë shoqëria.

Dhe pavarësisht pasojave të rënda që shkojnë deri në humbje jete, shteti fle përpara këtyre rasteve./ CNA





Lajmet e fundit nga