web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet një tjetër përndjekës

15 Tetor 2024, 17:45, Kronika CNA
Arrestohet një tjetër përndjekës
Foto ilustruese

Një tjetër përndjekës është arrestuar nga policia.

Blutë bëjnë me dije se kanë vënë në pranga këtë të martë 47-vjeçarin me iniciale Z. P., banues në Pukë.

Ai është denoncuar nga një 17-vjeçare se e ka përndjekur për një muaj në rrugë dhe në rrjete sociale.

Për 47-vjeçarin, Gjykata e Shkodrës ka caktuar masën e sigurisë "Arrest në burg", për veprën penale “Përndjekja”.

Shtetasi me iniciale Z. P. ka rezultuar me precedentë penalë të mëparshëm, sërish për përndjekje.

Njoftimi i plotë:

Përndoqi 1 muaj, në rrugë dhe në rrjete sociale, një 17-vjeçare, arrestohet menjëherë pas kallëzimit të së miturës, 47-vjeçari.

I arrestuari, me precedent për të njëjtin krim.

Menjëherë pasi një shtetase 17 vjeçe ka kallëzuar në Prokurorinë e Shkodrës, se përndiqej nga 1 shtetas, prej rreth 1 muaji, në rrugë dhe në rrjete sociale, shërbimet e Komisariatit të Policisë Pukë kanë organizuar punën për lokalizimin dhe arrestimin e autorit.

Si rezultat, për këtë rast u vu në pranga shtetasi Z. P., 47 vjeç, banues në Pukë, për të cilin Gjykata e Shkodrës ka caktuar masën e sigurisë "Arrest në burg", për veprën penale “Përndjekja”. Nga verifikimet e mëtejshme ka rezultuar se 47-vjeçari ishte shtetas me precedent për të njëjtin krim.

Materialet procedurale i kaluan Prokurorisë, për veprime të mëtejshme./ CNA





Lajmet e fundit nga