web counter
LEXO PA REKLAMA!

SHKARKO APP

App Store
Google Play

E fundit!

x

"Përndjekësit duhen ndëshkuar”, Andoni: Veprojnë ndaj njerëzve të pambrojtur

5 Korrik 2024, 19:21, Sociale CNA
"Përndjekësit duhen ndëshkuar”, Andoni: Veprojnë
Ben Andoni. Analist

Procesi i ndjekjes së vazhdueshme të aktivitetit të dikujt cilësohet si vepër penale. Përkufizimi i përndjekjes mund të zbatohet nëse ndjekësi ose objektivi e njohin njëri-tjetrin personalisht ose jo. Pasojat për individin që është objektivi mund të ndryshojnë, por mund të përfshijnë një rritje të ndjenjës së pasigurisë, frikës dhe perceptimit të një pushtimi të privatësisë.

Në hetimet e disa çështjeve lidhur me përndjkejen  personat që kanë kryer këto veprime pas vënies në dijeni se janë duke kryer një vepër penale, janë tërhequr, por ka edhe nga ata që përtej paralajmërimit nuk kanë reguar dhe prokuroria është detyruar të kërkojë në gjykatë masën e arrestit me burg.

Por si ndikon prezenca e këtyre njerëzve problematik në familjet shqiptare por edhe në shoqëri.

Në një intervistë për CNA TV, gazetari dhe publicisti Ben Andoni u shpreh se këta persona veprojnë kryesisht ndaj kategorive të pambrojtura.

“Përndjekja teorikisht është lloj keqtrajtimi sistematik. Përndjekja në kohët tona prevalon më shumë te bullizmi. Ka një tendecë shumë të madhe të publikut që të shprehi supremacinë ndaj individëve të tjerë, që është përndjekje e mirëfilltë. Këta persona veprojnë ndaj njerëzve që janë të pa mbrojtur, ndaj atyre që kanë status social jo si të tjerët, ndaj femrave dhe ndaj personave që kanë mjete jetësore shumë të kufizuara etj.

Për personat përndjekës ligji duhet të jetë shumë mirë i përcaktuar dhe shumë më i ashpër. Përndjekja nuk është vetëm që i heq apo i pengon të drejtat dikujt, por është pak edhe një aspekt që ndikon shumë në botëkuptimin social të dikujt,” u shpreh ai.

Sipas Andonit, përndjekësit duhen identifikuar dhe gjithashtu duhet të krijohet një regjistër kombëtar.

“Përndjekësit duhet që të identifikohen, ndërsa ata të cilët e kryejnë përndjekjen në mënyrë sistematike, duhet të jenë pjesë e një regjistri kombëtar, sepse mund të shkaktojnë trauma shumë të mëdha sociale në shoqëri që përcillen më pas ne pasoja të jashtëzakonshme. Duhen identifikuar këta njerëz dhe të jenë të privuar nga shoqëria. Ka ardhur koha që duhet të ketë ndëshkime që këta njerëz të mos provojnë më për ti bërë shoqërisë dëm,” tha ai

Publicisti Andoni bëri thirrje se trajtimi i kësaj çështje duhet të nisë që në shkollë, aty ky sipas tij puna në këtë drejtim sot lë për të dëshiruar./CNA





Lajmet e fundit nga