Hapet qarkullimi për aksin rrugor, Thumanë-Kashar/ Rama: Kështu do të jetë Shqipëria e vitit 2030

30 Qershor 2024, 20:55, Sociale CNA

Hapet qarkullimi për aksin rrugor, Thumanë-Kashar/ Rama: Kështu

Edi Rama, Belinda Balluku, Mirela Kumbaro

Pasditen e kësaj të diele është hapur aksi I rri rrugor, Thumanë-Kashar për qarkullimin e automjeteve. Kjo rrugë është autostradë e Kategorisë A të Bashkimit Europian, dhe segment i parë i Korridorit Blu, që i paraprin tre kantiereve të reja Thumanë – Milot, Kashar – Lekaj dhe Lekaj – Fier. I pranishëm në inagurimin e këtij objekti, Kryeministri Rama u shpreh se kjo rrugë është ajo çfarë shqiptarët mund të shohin Shqipërinë në 2030

“Çfarë është Shqipëria në 2030 mund ta shohin. Brenda kësaj periudhë nga Muriqan në Vlorë duhet të jetë kështu. Ky është korridori blu. Ndërkohë edhe korridor i 8 do jetë i përfunduar. Shumë shpejt do të filloj edhe për Ndroqin dhe autostrada Tiranë Durrës do zgjerohet. Rruga në Ndroq do jetë turistike panoramikë, do jetë kalim alternativ dhe kalim shumë i këndshëm.I kam merak dibranët. E para që tuneli i Murrizi është fiksimi në luftën me gjeologjinë. Në Murriz po ecim dhe nuk duam të flasim, të vëmë afate. Por nëse edhe fuqia e të zotërve të Dibrës do kemi tunelin para fundit të vitit. Kam parë një lajm që rruga e Arbirt do jetë me pagesë. Nuk do ketë pagesë për rrugën e Arbrit', u shpreh kryeministri Rama gjatë inspektimit.”

Ministrja e Infrastrukturës dhe Energjitikës, Belinda Balluku tha se, shteti do të përfitojmë 2% e fee-së koncesionit të mirëmbajtjes

“Jemi në momentin e hapjes së Autostradës së parë të tipit A në vendin tonë, aksit Thumanë-Kashar 21 km, e cila është e disponueshme duke nisur nga sot për të gjithë drejtuesit e automjeteve. Kemi përdorur koncesionin 35- vjeçar, investimi eshtë me vlerë 271 milion euro të gjitha të disponueshme nga koncesionari. Kostoja e km është vendosur nga ËBIF. Është një instrument I volitshëm pasi shteti shqiptar nu kemi angazhuar asgjë përveç shpronësimeve që I takon Agjencisë së Shpronësimeve. Ne do të përfitojmë 2% e fee-së koncesionit të mirëmbajtjes. Na është dashur vetëm 15 muaj ta përfundojmë këtë vepër, por që është komplet një record.”

Kalimi në këtë rrugë do të jetë me pagesë, vlera e të cilës do varet nga lloji i mjetit, por që nuk do të jetë më poshtë se 2.1 euro. Kjo tarifë do të përllogaritet çdo vit, dhe kompania private do mund ta rrisë atë në varësi të luhatjeve të kursit të këmbimit lekë euro. Por do të ketë edhe rrugë alternative, dhe kalimi do të jetë pa pagesë për qytetarët. Aksi Thumanë- Kashar është një nga më të rëndësishmit e “Korridorit blu" që lidh veriun me jugun, me vlerë totale 226 milionë euro, kurse në 35 vitet e kohëzgjatjes së kontratës, koncesionari pret të fitojë 1.3 miliardë euro./CNA