web counter
LEXO PA REKLAMA!

SHKARKO APP

Zbulim i rrallë arkeologjik në Ulpianë/ Mbishkrim i dytë kushtuar Perandorit Justinian

2 Gusht 2025, 19:48, Kosova & Bota CNA

Zbulim i rrallë arkeologjik në Ulpianë/ Mbishkrim i dytë

Një zbulim i rrallë arkeologjik është kryer në zonën e Ulpianës në Kosovë.

Mësohet se ekipi i arkeologëve ka identifikuar një mbishkrim të dytë kushtuar Perandorit Justinian dhe bashkëshortes së tij, Teodora.

 Ministër i Kulturës, Rinisë dhe Sportit në Kosovë, Hajrulla Çeka ka ndarë sot lajmin dhe pamjet nga gërrmimet e bëra.

Përmes një postimi në rrjetet sociale, Çeku saktëson se mbishkrimi i parë përmendte themelimin e qytetit Iustiniana Secunda si qytet Dardan. Ky i dyti tregon ndërtimin e bazilikës episkopale. Këto janë të vetmet dedikime të njohura të Justinianit, perandorit me prejardhje nga ky rajon.

“Ruajtja dhe mbrojtja e trashëgimisë arkeologjike nuk është trajtuar asnjëherë më këtë seriozitet. Hulumtimet arkeologjike në Ulpianë e Dresnik, tanimë po vazhdojnë në prona publike, të cilat u shpronësuan gjatë vitit të kaluar. Po punohet me intensitet në lokalitete arkeologjike, plane të konservimit e menaxhimit, ngritje të kapaciteteve profesionale përmes partneriteve ndërkombëtare, studime e publikime. Arkeologjia vazhdon të na zbulojë historinë tonë. Ne vazhdojmë me përkushtim hulumtimin dhe mbrojtjen e saj”,-shkruan Ministri./CNA

 





Lajmet e fundit nga