web counter
LEXO PA REKLAMA!

SHKARKO APP

App Store
Google Play

E fundit!

x

Temperaturat e larta/ Japonia regjistron muajin më të ngrohtë që nga viti 1898

2 Gusht 2025, 17:09, Kosova & Bota CNA

Temperaturat e larta/ Japonia regjistron muajin më të ngrohtë

Muaji gusht sapo ka nisur, e po kështu edhe të dhënat mbi temperaturat e muajit korrik që sapo lamë pas.

Japonia regjistroi korrikun më të nxehtë që nga viti 1898, tha agjencia meteorologjike e vendit (JMA), në një kohë kur ndryshimet klimatike po nxisin valë të nxehta përvëluese në të gjithë botën.

Ishte viti i tretë radhazi që arkipelagu ka regjistruar temperaturën mesatare mujore më të lartë për korrikun, tha JMA.

Temperaturat në vend ishin 2.89 gradë Celsius mbi temperaturat "normale" për sezonin, tha JMA, duke thyer rekordin e vendosur në korrik 2024.

Të mërkurën, Japonia regjistroi një rekord prej 41.2 gradë Celsius në prefekturën Hyogo në perëndim, pasi vendi përjetoi qershorin më të nxehtë të regjistruar ndonjëherë.

Arkipelagu regjistroi gjithashtu reshje të lehta shiu në korrik në një numër të madh zonash, veçanërisht në veri dhe veçanërisht në zonat përgjatë Detit të Japonisë, shtoi agjencia meteorologjike.

Këtë vit, sezoni i shirave përfundoi në pjesën perëndimore rreth 3 javë më herët se zakonisht.

Shkencëtarët konfirmojnë se ndryshimet klimatike të shkaktuara nga njeriu po i bëjnë valët e nxehtësisë më intensive, më të shpeshta dhe më të përhapura./CNA





Lajmet e fundit nga