web counter
LEXO PA REKLAMA!

SHKARKO APP

App Store
Google Play

E fundit!

x

Shembet një minierë në Kili

1 Gusht 2025, 21:29, Kosova & Bota CNA

Shembet një minierë në Kili

Një minator vdiq dhe pesë të tjerë u zhdukën pas një aksidenti në minierën El Teniente në Kili, njoftuan autoritetet të premten.

Miniera, në pronësi të Korporatës Kombëtare të Bakrit, konsiderohet gjerësisht si miniera më e madhe nëntokësore e bakrit në botë.

Aksidenti ndodhi të enjten vonë në një tunel brenda projektit Andesita, të vendosur në Rajonin O'Higgins të Kilit qendror.

Tuneli u shemb pas një ngjarjeje sizmike me magnitudë 4.2 ballë, sipas presidentit të kompanisë shtetërore, Maximo Pacheco, të shkaktuar nga aktiviteti minerar në zonë.

Ekipet e emergjencës mbërritën në vendngjarje dhe arritën të nxirrnin një trup, por nuk kanë qenë në gjendje të hyjnë plotësisht në zonën e shembur për të shpëtuar punëtorët e mbetur.

Presidenti kilian Gabriel Boric i shprehu ngushëllimet e tij familjes së minatorit të ndjerë, Paulo Marin Tapia, në llogarinë e tij X.

Ekspertët thonë se 48 orët e ardhshme janë kritike për misionin e shpëtimit, pasi pesë minatorët mbeten të izoluar me një gjendje shëndetësore të panjohur, transmeton Anadollu.

Kili ka një histori të gjatë incidentesh në miniera. Fatkeqësia e El Teniente e vitit 1945, ku vdiqën 355 minatorë, mbetet aksidenti më i madh në minierat e metaleve në historinë e vendit. Në gusht 2010, një shembje në minierën e San Jose bllokoi 33 minatorë 700 metra nën tokë. Pas një përpjekjeje shpëtimi 69-ditore, të 33 minatorët u nxorën me sukses në sipërfaqe.





Lajmet e fundit nga