web counter
LEXO PA REKLAMA!

SHKARKO APP

App Store
Google Play

E fundit!

x

Vrasja mister për afro tri dekada/ Zbulohet se kush porositi ekzekutimin e Tupac

30 Shtator 2023, 08:57, Kosova & Bota CNA
Vrasja mister për afro tri dekada/ Zbulohet se kush porositi ekzekutimin e
2Pac

Policia amerikane ka akuzuar një ish-udhëheqës bande për vrasjen e reperit Tupac Shakur në vitin 1996. Legjenda e hip-hop-it, i lindur në Nju Jork, u qëllua katër herë me armë në moshën 25-vjeçare në Las Vegas. Vrasja e tij më shumë vite mbeti një enigmë. 

Të premten, autoritetet amerikane akuzuan Duane "Keffe D" Davis, 60 vjeç, si personi që porositi vrasjen. 

Policia njofton se 60-vjeçari kishte planifikuar të shtënat ndaj reperit të njohur, pasi nipi i tij u përfshi në një përleshje me Shakur në një kazino.

Davis u arrestua pranë shtëpisë së tij në Las Vegas herët të premten dhe do të dalë në gjykatë brenda disa ditësh. 

Greg Kading, një detektiv në pension i policisë së Los Anxhelosit, i cili kaloi vite duke hetuar vrasjen e Shakurit, i tha Associated Press se nuk ishte i befasuar nga arrestimi iDavis. 

"Të gjithë komplotistët ose pjesëmarrësit e tjerë të drejtpërdrejtë janë të të vdekur," tha Kading.

Shakur, i cili nga të gjithë njihej si 2Pac, publikoi albumin e tij debutues në 1991. Ai ishte një nga emrat më të njohur të hip-hop-it dhe vdekja e tij u pasua me disa dokumentarë.

Artisti shiti më shumë se 75 milionë disqe në mbarë botën, duke shijuar suksesin e top-listave me hite, duke përfshirë "California Love", "All Eyez On Me" dhe "Changes".

Ai gjithashtu gjeti sukses duke aktruar në filma si "Juice", "Poetic Justice", "Above The Rim", "Gridlock'd" dhe "Gang Related".

 





Lajmet e fundit nga