LEXO PA REKLAMA!

SHKARKO APP

Radojçiç pranoi lidhjen me sulmin në Kosovë/ Zbulohet lëvizja e Vjosa Osmanit

29 Shtator 2023, 15:47, Kosova & Bota CNA

Radojçiç pranoi lidhjen me sulmin në Kosovë/ Zbulohet

Milan Radojçiç, pranoi se ka qenë në sulmin e ndodhur në fshatin Banjskë të Zveçanit më 24 shtator dhe dha dorëheqjen nga posti i nënkryetarit të Listës Serbe.

Pas këtij veprimi, Presidentja e Kosovës, Vjosa Osmani, mbajti një takim me ambasadorët e shteteve të QUINT-it dhe Bashkimit Evropian.

Osmani u kërkoi ndërkombëtarëve që Serbia të japë llogari për veprimet e saj kundër Kosovës, “duke ia bërë të qartë se duhet të ndalojë financimin, mbështetjen dhe shtytjen e grupeve kriminale për veprime terroriste”.

Mungesa e masave të tilla mund të keqpërdoret nga ana e Serbisë dhe për rrjedhojë mund të kemi përsëritje të veprimeve terroriste”, tha Osmani, sipas një njoftimi për media.

Ajo theksoi se “Kosova është e vendosur që të vazhdojë ta promovojë paqen dhe stabilitetin në rajon, si dhe të punojë me komunitetin lokal serb për t’i afruar dhe integruar në shoqërinë dhe institucionet e Kosovës”.

Kujtojmë se Serbia ka mohuar se ka gisht në sulmin që Kosova e konsideron terrorist dhe akt agresioni kundër saj./ CNA

Lajmet e fundit nga