LEXO PA REKLAMA!

SHKARKO APP

Lidhja me grupin e agresorëve serbë/ Milan Radojçiç jep dorëheqjen si nënkryetar i Listës Serbe

29 Shtator 2023, 13:40, Kosova & Bota CNA
Lidhja me grupin e agresorëve serbë/ Milan Radojçiç jep
Milan Radioçiç

Presidenti i Serbisë, Aleksandër Vuçiç, në një intervistë për televizionin kombëtar spanjoll “TV Espanyol” ka thënë se nënkryetari i Listës Serbe, Milan Radojçiç, ka dhënë dorëheqje nga kjo detyrë.

“Radojçiç nuk dëshiron ta dëmtojë më tej Listën Serbe”, ka thënë Vuçiç.

Ai përmendi se listën Srpska e sheh si luftëtar të lirisë dhe se të gjithë serbët që jetojnë në Kosovë mendojnë të njëjtën gjë. 

Në një intervistë për televizionin kombëtar spanjoll, presidenti serb e cilësoi situatën në Kosovë si shqetësuese.

“Nuk e di nëse ajo që ndodhi ishte një pikë kthese. Jam shumë i shqetësuar sepse e di sa agresivë janë Albin Kurti dhe Vjosa Osmani. Sidomos kur besojnë se kanë shumë mbështetje nga një pjesë e komunitetit ndërkombëtar dhe kjo më shqetëson dhe më tremb”.

Autoritetet në Prishtinë e lidhën Milan Radojçiçin me të shtënat në Banjskë. Policia e Kosovës ka bastisur sot banesën ku ai jeton.

Radojçiç është në “listën e zezë” të SHBA-së dhe i ndalohet hyrja dhe të bëjë biznes në atë vend. Ai u vendos në listë për shkak të lidhjeve të dyshuara me krimin e organizuar transnacional./ CNA

Lajmet e fundit nga