LEXO PA REKLAMA!

SHKARKO APP

Sulm me bombë në një xhami në Pakistan/ Humbin jetën të paktën 52 persona

29 Shtator 2023, 16:10, Kosova & Bota CNA

Sulm me bombë në një xhami në Pakistan/ Humbin jetën

Një sulm me bombë ka ndodhur këtë të premte në një xhami në Mastung, një zonë në provincën Baluchistan të Pakistanit jugperëndimor.

Besimtarët myslimanë ishin mbledhur për të festuar Mevludin en-Nabi, i cili njihet si ditëlindjen e Profetit Muhamed. Besimtarët ishin duke shpërndarë ushqim falas për njerëzit.

Raportohet se nga ky shpërthim janë vrarë të paktën 52 persona dhe janë plagosur dhjetëra të tjerë.

Numri i viktimave u konfirmua nga Abdul Rasheed Shahi, oficeri i shëndetësisë në rajonin Mastung. Mes viktimave ishte edhe një polic.

Ai tha se të paktën 50 persona të tjerë ishin plagosur. Këta të fundit u dërguan në spitalet që ndodhen pranë zonës, ndërsa disa prej tyre janë në gjendje kritike.

“Asnjë grup nuk ka marrë ende përgjegjësinë për shpërthimin”, thanë zyrtarët. 

Shpërthimi ishte sulmi i fundit që ngriti polemika në Pakistan, ku grupet militante janë bërë më aktive gjatë dy viteve të fundit./ CNA

Lajmet e fundit nga