web counter
LEXO PA REKLAMA!

SHKARKO APP

App Store
Google Play

E fundit!

x

"Kurti, terror ndaj popullit serb"/ Petkoviç sulmon ndërkombëtarët: Duhet të jeni neutralë

2 Tetor 2023, 11:38, Kosova & Bota CNA
"Kurti, terror ndaj popullit serb"/ Petkoviç sulmon
Petar Petkoviç

Drejtori i zyrës për Kosovë, Petar Petkoviç, ka deklaruar se me arrestimin e djeshëm të Lazar Janiçijeviçit, kryeministri i Kosovës, Albin Kurti, ka vazhduar terrorin ndaj popullit serb. 

Ai theksoi se Kurti është inkurajuar edhe më tej që të sulmojë popullin serb sepse komuniteti ndërkombëtar ia ka lejuar një gjë të tillë.

Ai shtoi se ndërkohë që qytetarët donin t'i jepnin lamtumirën e fundit Stefan Nedeljkoviq në Vërnjaçka Banja, policia e Kosovës ka arrestuar Lazar Janiqijeviç. 

“Ai është ndalur në vendkalimin Jarinje, ndërsa në kolonën që ka dashur të udhëtojë për në Vërnjaçka Banja dhe t'i thotë lamtumirë Stefan Nedeljkoviçit, është arrestuar brutalisht, është nxjerrë nga vetura dhe është dërguar në drejtim të Prishtinës”, ka thënë Petkoviç.

Ai ka shtuar se një ditë më parë policia speciale e Kosovës ka rrahur tre shtetas të nacionalitetit serb të cilët po shkonin në pyll për të mbledhur dru.

“Dhe të premten policia e Kosovës hyri në KBC-në e Mitrovicës së Kosovës. Ata po kërkonin banesën e Milan Radojçiçit, kështu që u morën pak dhe hynë në KBC”, theksoi Petkoviq dhe vlerësoi se terrori i Albin Kurtit ndaj serbëve po shtohet. Ne po kërkojmë nga KFOR-i dhe EULEX-i që të jenë neutralë. Pyetja për EULEX-in është pse u ndaluan të marrin pjesë në autopsi. Kanë kaluar shtatë ditë dhe ne do të insistojmë në këtë çështje", tha drejtori i Zyrës për KiM.







Lajmet e fundit nga