web counter
LEXO PA REKLAMA!

SHKARKO APP

App Store
Google Play

Pranoi se ishte pjesë e grupit të armatosur/ Radoiçiç dëshmon për sulmin në Kosovë

30 Shtator 2023, 16:02, Kosova & Bota CNA
Pranoi se ishte pjesë e grupit të armatosur/ Radoiçiç
Ish-nënkryetari i Listës Serbe, Millan Radoiçiç

Ish-nënkryetari i Listës Serbe, Millan Radoiçiç ka dëshmuar në cilësinë e qytetarit për sulmin ndaj Policisë së Kosovës në veri të Kosovës.

Lajmin e ka konfirmuar Ministria e Punëve të Brendshme e Serbisë (MPBS).

“Ftesës së autoriteteve shtetërore të Republikës së Serbisë, Millan Radoiçiç i është përgjigjur dhe sot në orën 10, i shoqëruar nga avokati i tij, ka hyrë në ambientet e MPB-së, për të dhënë deklaratë si qytetar për rrethanat të ngjarjes tragjike në qytetin e Banjskës, herët në mëngjes të së dielës, 24 shtator 2023”, thuhet në njoftimin e Ministrisë serbe.

Ministria njofton se deklarata e Radoiçiçit do t’i shkojë Prokurorisë e Lartë Publike në Beograd në formë raporti, dhe më pas kjo e fundit “do të ndërmarrë masat dhe veprimet e mëtejshme procedurale nën autoritetin e saj.”

Të premten, Radoiçiçi e mori përgjegjësinë për sulmin ndaj Policisë së Kosovës në fshatin Banjskë të Zveçanit më 24 shtator.

Pas pranimit të pjesëmarrjes në grupin e armatosur, ai dha dorëheqje nga posti i nënkryetarit të Listës Serbe, partisë më të madhe të serbëve në Kosovë./ CNA





Lajmet e fundit nga