web counter
LEXO PA REKLAMA!

SHKARKO APP

App Store
Google Play

Zjarri i madh në klubin e natës ju merr jetën 13 personave

1 Tetor 2023, 17:34, Kosova & Bota CNA

Zjarri i madh në klubin e natës ju merr jetën 13 personave

Të paktën 13 persona kanë humbur jetën nga zjarri në një klub nate në qytetin juglindor të Murcias, Spanjë.

Zjarri shpërtheu në klubin e natës Fonda Milagros në zonën Atalayas, rreth orës 06:00 me orën lokale.

Videoja e shpërndarë në internet tregonte flakët që shpërthyen mbi ndërtesë dhe tym të dendur e të errët që derdhej nga dritaret e saj.

Shërbimet e urgjencës janë në kërkim të personave të zhdukur dhe ndodheshin në lokal në moment.

Ata kanë paralajmëruar se numri i viktimave mund të rritet ende.

Diego Seral, nga policia kombëtare, i tha kanalit televiziv spanjoll RTE se nuk dihet ende se ku ndodheshin 15 persona. 

Sipas gazetës La Verdad de Murcia, një grua 28-vjeçare, e cila nuk është gjetur, i dërgoi një mesazh zanor nënës së saj kur kishte filluar zjarri, duke thënë: “Mama, të dua, do të vdesim. "

Ajo kishte dalë me partnerin e saj dhe disa miq nga qyteti i afërt i Caravaca de la Cruz.

Zjarrfikësit më në fund arritën të hyjnë në ndërtesë rreth orës 08:00 dhe zbuluan katër trupa, pastaj dy të tjerë rreth 40 minuta më vonë. Ata vazhduan të gjenin trupa ndërsa kontrollonin ambientet e Fonda Milagros.

Katër persona po trajtohen në spital për thithjen e tymit dhe një vend sportiv lokal po përdoret për të ofruar këshillim për të prekurit.

Nuk është e qartë se çfarë e shkaktoi zjarrin./ CNA





Lajmet e fundit nga