LEXO PA REKLAMA!

SHKARKO APP

Vuçiç tërhiqet pas paralajmërimit të ndërkombëtarëve: Ushtria nuk do hyjë në Kosovë

30 Shtator 2023, 21:23, Kosova & Bota CNA
Vuçiç tërhiqet pas paralajmërimit të
Presidenti i Serbisë, Aleksandar Vuçiç 

Presidenti i Serbisë, Aleksandar Vuçiç ka deklaruar se do të tërheqë forcat ushtarake serbe të vendosura pranë kufirit me Kosovën.

Ai thotë se përshkallëzimi i konfliktit do të ishte kundërproduktiv kur bëhet fjalë për dëshirën e Serbisë për t’u bërë anëtare e Bashkimi Evropian.

“Do të tërheq forcat serbe nga ajo zonë sepse përshkallëzimi i konfliktit do të ishte kundërproduktiv kur bëhet fjalë për dëshirën e Serbisë për t’u bërë anëtare e Bashkimi Evropian”, tha Vuçiç.

Mesa duket pas paralajmërimeve të ndërkombëtarëve ka reflektuar edhe Vuçiç.

“Serbia nuk do të përfitonte nga kjo sepse do të rrezikonte pozitën e saj në negociatat me Prishtinën nën kujdesin e Bashkimit Evropian”, tha ai.

Presidenti serb, Aleksandar Vuçiç, tha të premten në Beograd se ka zhvilluar një bisedë telefonike me sekretarin amerikan të Shtetit, Antony Blinken, nga i cili është paralajmëruar për masa ndëshkuese ndaj Serbisë “nëse nuk sillet siç duhet”./ CNA

Lajmet e fundit nga