E fundit!

16:34 Aktualitet

Dosja "Toyota Yaris"/ GJKKO dërgon për gjykim me themel ish-oficeren e BKH

Gjykata e Posaçme ka dërguar në gjyq dy të pandehurit në d...

Incidenti me Osmanin në aeroportin e Shkupit/ Gërvalla: Trajtim jodinjitoz, kemi kërkuar sqarime

2 Gusht 2024, 09:14, Kosova & Bota CNA

Incidenti me Osmanin në aeroportin e Shkupit/ Gërvalla: Trajtim

Donika Gërvalla

Ministrja e Jashtme e Kosovës, Donika Gërvalla, ka reaguar pas incidentit të presidentes Vjosa Osmani në aeroportin e Shkupit.

Ministrja thotë se ishte një trajtim jodinjitoz dhe se kanë kërkuar sqarime në lidhje me këtë situatë.

“Ministria e Punëve të Jashtme dhe Diasporës me shqetësim ka mësuar rreth incidentit të shkaktuar në Aeroportin e Shkupit në raport me trajtimin jodinjitoz të Presidentes së Republikës së Kosovës, Vjosa Osmani. Ministria e Punëve të Jashtme dhe Diasporës, përmes Ambasadës së Kosovës në Shkup, ka nisur mbledhjen e informatave dhe që në orët e hershme të mbrëmjes ka kërkuar sqarime zyrtare nga ambasada e Maqedonisë së Veriut në Prishtinë dhe nga Ministria e Punëve të Jashtme të Maqedonisë së Veriut. MPJD do të mbajë publikun të informuar për veprimet e mëtejshme, për të sqaruar këtë situatë dhe për t'u siguruar që incidente të tilla të mos ndodhin në të ardhmen në raport me krerët e shtetit tonë”, thuhet në njoftimin e plotë të publikuar në "Facebook".

Të enjten ndodhi një incident me Presidenten e Kosovës, Vjosa Osmani, në Aeroportin Ndërkombëtar të Shkupit.

Raportohet se sigurimi i këtij aeroporti tentoi të merrte telefonin personal të Presidentes. Bekim Kupina, Këshilltari për Media në Presidencë, ka treguar se Osmani ka kundërshtuar këtë veprim, por është shtyrë nga punonjësi i aeroportit. Ai theksoi se pavarësisht se Osmani e ka vënë në dijeni për shkeljen e ligjit, punonjësi i ka marrë çantën personale.

Lidhur me këtë incident ka reaguar edhe Ministria e Punëve të Brendshme e Maqedonisë së Veriut.

“Rreth orës 10:00 në Aeroportin Ndërkombëtar të Shkupit, teksa presidentja Osmani po kalonte kontrollin kufitar, në momentin kur asaj iu kërkua që telefonin ta kalonte përmes skanerit, një person nga sigurimi i saj është larguar nga punonjësja e TAV-së, me qëllim që ajo të kalonte pa telefon të skanuar dhe bagazh dore. Por më pas bagazhi u kthye dhe kaloi përmes një skaneri. Pas gjysmë ore erdhi një person nga sigurimi i kryetarit të Kuvendit Gashi (polic) me dy persona të tjerë (polic) dhe filluan të kërcënojnë punëtorët e TAV-së dhe të pyesin se kush i ka shkaktuar problem presidentes. Në të njëjtën kohë ka shtyrë edhe një punonjës policie që punonte në pikën kufitare”, thuhet në deklaratë./CNA