web counter
LEXO PA REKLAMA!

SHKARKO APP

App Store
Google Play

Rrëfimi i dëshmitarit të tragjedisë "Titan": Kishim frikë, atyre po u mbaronte oksigjeni

1 Gusht 2024, 08:59, Kosova & Bota CNA
Rrëfimi i dëshmitarit të tragjedisë "Titan":
Rory Golden

Një dëshmitar i ngjarjes së rëndë që ndodhi me nëndetësen "Titan" ka rrëfyer për "BBC News" frikën dhe ankthin që ndjeu në momentet që humbën kontaktin me personat në bord.

Rory Golden ishte në ekspeditën "Oceangate" kur kontakti me pesë pasagjerët e tij humbi gjatë një zhytjeje në qershor të 2023-shit.

"Ne kishim këtë imazh në kokën tonë të atyre që ishin atje poshtë, duke u mbaruar oksigjeni dhe ndodheshin në të ftohtin e acartë, duke u frikësuar dhe trembur tmerrësisht", tha ai.

Por pasi mësoi se nëndetësja ishte shpërthyer vetëm disa orë pas zhytjes, ai tha se ishte një ngushëllim të dije se ata që ishin në bord nuk kishin vuajtur.

"Kur nëndetësja u vonua, ne nuk ishim të shqetësuar në mënyrë të panevojshme, sepse komunikimet prishen shumë në oqean. Por kur më në fund u ngrit alarmi, atëherë kuptuam se kishte disa çështje serioze", tha ai më tej. 

Një operacion i madh kërkim-shpëtimi filloi nga Roja Bregdetar i SHBA-së.

Disa ditë më vonë, tingujt e përplasjeve u zbuluan nën ujë duke rritur shpresën se ato vinin nga nëndetësja e zhdukur.

"Ne jetuam me shpresë të rreme për katër ditë. Ka ende shumë pyetje për t'u përgjigjur", u shpreh ai. 

Zbulimi i rrënojave të Titanit katër ditë pasi u zhduk, konfirmoi fatin e atyre që ishin në bord.

"Ne të gjithë qamë kur u gjetën mbetjet", u shpreh ai./CNA 





Lajmet e fundit nga